एहुन्‍ना 10

चरवाह अवुर हेंय रेनकू भेंड़िकू

1तहाँ ईसु फे-रिय कहनी तेडा, “इंञ सही सही ते अपे थरेंञ कहनी यडा, अगर कनय हो भेंड़िकू राः गोड़बाड़िय #10:1 गोड़बड़ एहूदी कुराः रीति रिवाज रे मियाँटंग गोड़बड़ कू बनो केते गाँव भर रेनकू भेंड़िकू हेना रेकू लिखो कुआ। हेना मियाँ भवेंर तेकू हँथा तडासेनुः रे दुवर ते मेने बो-लय, लेकिन कनर एटाः गतर ते डेवगा बो-लय, हेंय चोर अवुर लुटेर हवे। 2लेकिन दुवर ते बो-लय भेंड़िकू रेनिय चरवाह हवे। 3अवुर पहरदार#10:3 अहूदिकू मियाँटंग गोड़बड़ कू बनो केते गाँव भर रेनकू भेंड़िकू हेना रेकू तोल कुआ। अवुर हेना गोड़बड़ राः दुवर रे मियाँहोड़ पहरदार ञींद तू हन पपाहरा लगाडिय दोहोना। चरवाह लगड दुवारिय जिजवाया। अवुर भेंड़िकू चरवाह राः आवाज कू लखो वेआ अवुर चरवाह भेंड़िकू ञुमूत कू ञुमू ञुमू तेय राःकुआ, अवुर हेंकू चरो कू हनतेय गोःकुआ। 4चरवाह अनेज रेनकू सींड़ भेंड़िकू बहेर उडूंग केकू तेय गोःकुआ, तहाँ हेंकू मड़ंग मड़ंग तेय से-नेआँ। अवुर भेंड़िकू हेंय तयोम तेकू से-नेआँ। कहेकि भेंड़िकू चरवाह राः आवाज कू लखो वेआ। 5लेकिन हेंकू एटागी तयोम ते एरो कू सेनतेडा, बल्कि कू ञींर इरूआ, कहेकि हेंकू एटागी राः आवाज मेने कू लखो वेआ।” 6नआँ उदाहरड़ ईसु हेंकू थरेय कहनी तेडा, लेकिन हेंकू अबू थरे ची टेबोईय टेबोः यड मेनाआँ मेने कू जेर गडा।

ईसु बढ़ियाँअय चरवाह हवे

7हेना वरी ईसु हेंकू थरे फे-रिय कहनी तेडा, “इंञ अपे थरे सही मेतेंञ कहनी यडा, भेंड़िकू राः दुवर इंञ हवे। 8इंञ वरी पहील ते जेतना मेजेन हेंकू चरवाहकू, चोर अवुर लुटेर#10:8 आजक अवुर अघुवाकू जिमा वडकुः हेना, बढ़ियाँ ते मेने कू चलो गडा कू हवे, हेनाते ईंञाःकू भेंड़िकू हेंकू राः आवाज मेने कू अँजोम गडा। 9दुवर इंञ हवे, अगर कनय ईञाः दोवारा ते भीतारिय बोल रेदो, हेंय उबारुअयू, अवुर हेंय भीतर बहेरिय बोल उडूंगुआ, अवुर हेंय चरा पानिय#10:9 आत्मिक जीवन राः जरूरत ञाँमेआँ। 10चोर एटाः काम लगड मेने, हेंय भेंड़िकू चोरा अवुर ञेंड गोजकू लगड अवुर नास कू लगाडिय मेजुआ। लेकिन इंञ जीवन एम लगाडिंञ मेजकेना, अवुर इंञ ए-मेआ, हेना जीवन#10:10 भगवान सुदा हमेसा दोहोन हेना जीवन भरपूर अवुर बढ़ियाँ गिआ। 11बढ़ियाँअय चरवाह इंञ हवे! बढ़ियाँअय चरवाह अनेज रेनकू भेंड़िकू बंचो लगड अनेज राः जीवितिय#10:11 अनेज राः जीव पुजा रे ए-मे लगाडिय कहनी तेडा ए-मा। 12बनियाँर जोकि चरवाह अवुर भेंड़िकू रेनिय मुँवर न लगे, बिगवाकू मेजुआ ञेंलते भेंड़िकू बगी वतेय ञींर जोमा। अवुर बिगवाकू हेंकुकू साबा अवुर कू बिदबिदो गोत्ते कुआ। 13हेंय बनियाँर हवे तेय ञींर जोमा, अवुर हेंय भेंड़िकू मन लगय ते मेनेय सहेज कुआ। 14#मत्ती 11:27; लूका 10:22 बढ़ियाँअय चरवाह इंञ हवे। इंञ ईंञाःकू भेंड़िकुंञ पपाड़िआ अवुर ईंञाःकू भेंड़िकू इंञ कू पपाड़िआ। 15जेयसे अपुंञ ईंञिय पपाड़िआ, अवुर इंञ अपुञिंञ पपाड़िआ, अवुर इंञ भेंड़िकू लगड ईञाः जीविंञ ए-मा। 16ईंञाःकू, अवुर भेंड़िकू#10:16 अहूदिकू मेने एटाःकू इदान कुआ, हेंकू नआँ गोड़बड़ रे कोवा कुआ। हेंकू हो इंञ अगकू लगड जरूरी इदाना। हेंकू ईञाः आवाज कू अँजोमेआँ; हेना वरी हेंकू मिनियें खुड़हाअकू अवुर मिनियें होड़ चरवाह दोहोना। 17अपुंञ दुलारिञाँयू। कहेकि इंञ जीविञिंञ ए-मा, ताकि फेरिंञ जियो रिमुऊ। 18कनय हो ईञाः जीव इंञ वरी एरो कू लुसी सको एना, बल्कि इंञ अपन मन तेंञ ए-मेआ। इंञ जीविंञ ए-मे लगड हो हँक इदाना, अवुर फेर जियो रिमुः राः हो हँक इदाना; नआँ हँक अपुंञ ओवाडिञाँ।” 19नआँ टेबोः अँजोम केते एहूदिकू फेर कू अलग तलग यनु। 20हेंकू मेंडे रे अखीर होड़कू कहनिय दोहो एनु, “मेय थरे भूत लगो केना तेय बवराह यना, मेय राः टेबोः ची लगड पे अँजोम यडा?” 21अवुराःकू कहनी तेडा, “भूत सबतायाय होड़ नआँ घयते एरोय टेबोः एना। भूत काःते अंद्हा हो-ड़िय चिकन सकोआ?”

एहूदिकू ईसु थरे मेने कू बिसवास गडा

22लेयेड़ तोलोग एरुसलेम रे स्थापन#10:22 एहूदिकू मँडिल अवुर धाम भगवान थरे फेर कू जिमा तेडा, हेना कू स्थापन परब वआ। परब कू मनो दोहो एनु। 23अवुर ईसु मँडिल रे सुलेमान राः झोपड़ी तेय होयोर बेड़ाः दोहो एनु। 24हेना वरी एहूदिकू मेजकेन तेकू घेरो तेडिया, अवुर कू होंबोर तेडिया, “अले तीमिन दिन अँगम मी भोंद भांद लेआ? सही मेते अम मसीहा हवे रेदो, फरी फरी तेम लाय वले।” 25हेना वरी ईसु हेंकू थरेय जबाब तेडा, “इंञ हें-नी हवे, अपे दोंञ लाय वडपेः मा, लेकिन अपे मेने पे बिसवास यडा, अवुर अपुंञ राः ञुमू ते चमत्कार कामिंञ काम यडा, हे-ना काम ईञाः गोवाही एमियाडा। 26अपे ईंञाःकू भेंड़िकू न लगे, हेनाते मेने पे बिसवास यडा। 27ईंञाःकू भेंड़िकू ईञाः आवाज कू अँजोमेआँ; अवुर इंञ हेंकुंञ पपाड़िआ, अवुर हेंकू इंञ तयोम तयोम तेकू से-नेआँ; 28अवुर इंञ हेंकू अनन्त जीवानिंञ ओवा कुआ। हेंकू कबोह एरो कू नास एना, अवुर हेंकू इंञ ती वरी कनय एरो लुसी सको एना। 29अपुंञ जे जे#10:29 भेंड़िकू ईञिय ओवाडा, हेंय सींड़कू वरी बडे गिआयू, अवुर अपुंञ ती वरी हेंकू कनय एरो कू लुसी सको एना। 30अपुंञ अवुर इंञ मिनियेंटगाँः कींञ हवे।” 31हेना वरी एहूदिकू तिकी गोजेय लगड फेर दिरी कू हलंग तेडा।

32हेना वरी ईसु हेना ञेंलके ते हेंकू थरेय कहनी तेडा, “इंञ अपुंञ हनवरि अपे अखीर बढ़ियाँ बढ़ियाँः कामिंञ तिःवड पेआ, हेना मेंडे रे करा काम लगड पे तिकींञ मेनते?” 33हेना वरी एहूदिकू हेंय थरे कू जबाब तेडा, “बढ़ियाँः काम मी काम केडा ते अम मेने ले तिकी यडमिआँ; लेकिन अम भगवान मी निंदा यडा ते, अवुर अम होड़ रह ते भगवान मी बनोः तना। हेनाते अम ले तिकी मी मेनते।” 34हेना वरी ईसु हेंकू थरेय जबाब तेडा, “अनापे राः धरमग्रंथ रे भगवान, कुछ अघुवाकू ‘अपे भगवान कू हवे’ मेनतेय कहनी वडकुआ मेनते लिखल इदाना।#सिरिंग 82:6 35अगर जे जे भगवान अनेज राः टेबोईय जिमा वडकुआ, हेंकू भगवान मेनतेय कहनी वडकुआ। अवुर भगवान राः कागद रे लिखल इदान हेना सत गिआ। 36दो अपुंञ अनेज राः काम लगड चुनो केडिंञ ते नआँ दुनिया रेय कुलकेडिञाँ, हेनाते इंञ भगवान होपोन मेनतेंञ कहनी तेडा, दो अपे ची लगड भगवानिय निंदा यडा मेनते पे कहनी यडा? 37अगर अपुंञ राः काम मेनेंञ कामे रेदो, इंञ थरे अलोपे बिसवासे। 38लेकिन इंञ अपुंञ राः कामिंञ काम यडा। अपे ईञाः टेबोः रे भलेना अलोपे बिसवासे। लेकिन ईञाः काम ञेंलके तेता पे बिसवासे। ताकि अपे जे-रे अवुर पे समझोऊ कि अपुंञ इंञ थरे इदानियाँ अवुर इंञ अपुंञ थरे इदानिञाँ।” 39हेना वरी फेर हेंकू पकड़ोविय लगड कू कोसिस सोताडा, लेकिन हेंकू मेने कू पकड़ो सको गना, अवुरिय बंचो यनु। 40#एहुन्‍ना 1:28हेना वरी ईसु जरदन जोड़ खँडा केनते जे जघा रे पहील एहुन्‍ना बतिस्माय ओवाकू दोहो एनु, हेन हँडे कुछ दीनिय दोहो एना। 41अवुर अखीर होड़कू हेंय थरे कू सेनेना, अवुर अकू अकू कहनी ओड़ेंगू, “एहुन्‍ना दो कनारा चिन्ह चमत्कार मेनेय तिब गडा, लेकिन जे-ना नेय राः बारे ते एहुन्‍ना कहनी तेडा, हेना सींड़ सीरित गिआ।” 42अवुर हेनारे अखीर होड़कू ईसु थरे कू बिसवास तेडा।

Zur Zeit ausgewählt:

एहुन्‍ना 10: ksz

Markierung

Kopieren