Jenesis 10
10
O porodo katar e chave Noeeke
1 Kr 1.5-23
1Gaia si e vicha Katar e chaurre e Noeeke:
O Sem, o Kam ta o Jafet. Len avila len chaurre mapalal katar o baro pai kai ucharda sa e phuv.
2E chaurre katar o Jafet sea gala:
O Gomer, o Magog, o Madai, o Javan, o Tubal, o Mesek, ta o Tiras. 3A e chaurre katar o Gomer sea gala:
O Askenaz, o Rifat ta o Togarma. 4A e chaurre katar o Javan sea gala:
O Elisa, o Tarsis, o Kitim, ta o Rodanim. 5Katar gaia vicha likiste e llene kai zivisarde pasa e mora, suako llene ande pire phuvia dena orba ande pire chibia prema lenge familie.
6A e chaurre katar o Kam sea gala:
O Kus, o Misraim, o Fut ta o Kanaan. 7A e chaurre katar o Kus sea gala:
O Seba, o Javila, o Sabta, o Raama, ta o Sabteka. A e chaurre katar o Ragama sea gala:
O Seba, ta o Dedan. 8O Kus saia o dad katar o Nimrod, o purvo lleno pe phuv kai gazdarila. 9O Nimrod angla o Del saia but lacho te istarel zivirinie. Ta kotar avel o alav kai phenel: Gia sar o Nimrod kai pala e volia e Devleki, saia iek lleno kai llanela te istarel zivirinie. 10Ta pe mai bare forura kai vou gazdarila sea o Babel, o Erek, o Akab ta o Kalne, ande phuv katar o Sinar. 11Katar gaia phuv likisto o Nimrod ta llelo karing e Asiria, ta kote vazdia e forura kai ikhardon Ninive, Rejobot Kalaj, 12ta o baro foro kai ikhardol Resen, kai si maskar o Ninive ta o Kalaj.
13E chave katar Misraim sea gala:
O Ludim, o Anamim, o Leabim, o Naftujim, 14o Patrusim, o Kaslujim, ta katar gaia vicha likiste e filisteura.
15E chaurre katar o Kanaan sea gala:
O purvo saia o Sidon, ta o duito o Jet. 16Gala si e forura kai aven katar e vicha katar o Kanaan, gala si lenge anava:
E jebuseura, e amorreura, e gergeseura, 17e jivitura, e araseura, e sineura, 18e arvadeura, e semareura, e jamateura, ta mapalal fuladile e familie katar e kananeura. 19Ta e phuv katar e kananeura resela llik kai o Sidon, karing o Gerar, llik kai e Gaza, ta karing e Sodoma, e Gomorra, e Adma ta o Seboim llik kai e Lasa. 20Gala si e chaurre katar o Kam prema lengi familie, lenge chibia ta lenge phuvia.
21O Sem kai saia o phlal o mai purano katar o Jafet, i le avilale chaurre. Sa e chaurre katar o Eber sea katar e vicha katar o Sem. 22E chaurre katar o Sem sea gala:
O Elam, o Asur, o Arfajsad, o Lud ta o Aram. 23A e chaurre katar o Aram sea gala:
O Uz, o Jul, o Geter ta o Mas. 24A o Arfajsad saia o dad katar o Selaj, a o Selaj saia o dad katar o Eber. 25A o Eber avila le dui chaurre, o purvo ikhardola Peleg soke ande leke llivesa e phuv fuladili, ta o anav katar leko phlal saia Joktan. 26A o Joktan saia o dad katar o Almodad, katar o Selef, katar o Jasar Mavet, katar o Jera, 27katar o Adoram, katar o Uzal, katar o Dikla, 28katar o Obal, katar o Amimael, katar o Seba, 29katar o Ofir, katar o Javila, ta katar o Jobab. Sa gala sea e chaurre katar o Joktan. 30Ta zivisarde ande phuv kai resela ande Mesa karing o Sefar, llik kai e burdura karing likel o kham. 31Gala sea e chaurre katar o Sem, prema lenge familie, lenge chibia ta lenge phuvia.
32Gala si e familie katar e chaurre katar o Noe ta lenge viche, ta lenge phuvia. Ta gala si e manusa kai rispisaile pe sa e phuv mapalal katar o baro pai kai uchardaia sa e phuv.
Zur Zeit ausgewählt:
Jenesis 10: BACHRO
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Biblia ande chib Romani © Sociedad Bíblica Chilena, 2018.
