Marko 2
2
DUY
1Pala vuni dyes kana areslo ka o Kaperneyo, ašundilo ke avilo khere, 2Tay but narodo tyidinsaylo and ekh than tay manas či than lenge či na či angla o vudar, tay o Isus vestilas o Lašo Nevimos. 3Tay štar manuš ingerde leste ekhe manušes kay našti phirelas. 4Numa našti pašonas ka o Isus pala o narodo. Finke si kadya, xivyarde o tavano opral pa o Isus tay mekle tele o than kay pašlilo pe late o nasvalo. 5Tay kana dikhlya o Isus lengo patyayimos, mothodya le nasvaleske, “Šava, t'aven yertime tye bezexa.” 6No, bešenas kote vuni Zakonarya tay gindinas ande pende, 7“Kodo, sostar del duma kadya? Akušimos si. Kon šay yertil le bezexa, feri o Del.” 8Anda yekh, o Isus hačardya ande pesko duxo ke gindin kadya tay mothodya lenge, “Soste gindin kadya ando ilo? 9So si may vušoro, te phenav le nasvaleske, ‘Yertime tyire bezexa,’ vay, ‘Ušti, le tyo than tay phir’? 10Numa, te žanena ke o Šav le Manušesko si les e putyarya te yertil le bezexa, phenav le nasvaleske, 11‘Phenav tuke, ušti, le tyo than tay ža tuke khere.’ ” 12Apo, uštilo tay, anda yekh, lya o than tay gelo‐tar avri angla savoŕende. Čudisayle savoŕe tay luvudisarde le Devles tay mothodine, “Či dikhlyam kasavestar, šoha.”
13Ay telyardya o Isus paša e marya tay sa le žene tyidinisayle truyal leste tay lya tay sityarelas len. 14Atunči kana gelo may angle, dikhlya le Leves kay sas o šav le Alfeyosko. Bešelas ande tamožniya tay phendya leske o Isus, “Phir mantsa”. Tay uštilo o Levi tay gelo pala leste.
15Tay o Levi akhardya le Isusos tay vi leske vortačen te xan, tay bešenas lentsa vi but anda kodolende kay tyiden le portsiyi tay vi but bezexale ke but žanas pale leste. 16No, le Zakonarya kay inkerel le Fariseyontsa dikhle ke xalas le bezexalentsa tay kodolentsa kay tyiden le portsiyi. Tay phende leske vortačenge “Soste xal le bezexalentsa tay kodolentsa kay tyiden le portsiyi?” 17No, ašundya o Isus so phenenas tay mothodya lenge, “Le saste či trobul len ekh doktoro, numa le nasvale, lenge trobul len ekh doktoro. Či avilem te akharav le čačen numa le bezexalen.”
18No, le vortača le Yovanoske tay vi le Fariseyonge postinas tay avile le žene tay pušline les, “Soste postin le vortača le Yovanoske tay le Fariseyonge numa tyire vortača či postin?” 19Tay mothodya lenge o Isus, “Ba ke či postin le vortača le terneske ka o abiyav kana ašel lentsa. Kay ašel lentsa o terno, našti postin. 20Numa avela e vryamya kana lel‐pe lendar tay atunči, kodo dyes, si te postin.
21Či suvel khonik ekh kotor nevo kotor kay nay tsinilo p'ekh purani raxami. Te kerela kadya, o nevo kotor tsirdel‐pe katar e raxami, o nevo avri anda o purano, tay may dirzali kerel‐pe. 22Tay či thol khonik nevi mol ande le purane morčange holbi. Te kerela kadya, e mol phařavela le holbi tay šordya‐pe e mol tay le holbi rimon‐pe. Numa si te thol‐pe nevi mol and el holbi le neve.”
23Atunči, yekh dyes, (sas Savato, o dyes o svunto le Židovongo), phirenas o Isus tay leske vortača and el malya, tay kana phirenas line te tyiden o dživ. 24Tay mothodine leske le Fariseyuri, “Dikh, soste keren kodya? Nay slobodo po Svunto Dyes.” 25Tay mothodya lenge, “Sar te na dyindyan so kerdya o David kana nevoya sas les tay bokhaylo, vo tay vi kodola kay sas lesa. 26Kana sas o Abyatar o baro rašay, gelo o David ando kher le Devlesko tay xalya o svunto manřo. Phenen le zakonuri, ke nay slobodo kanikaske te xal les feri le raša. Numa dya les o David vi kodolenge kay sas lesa.” 27Tay vi phendya o Isus, “Le manušenge kerdilo o Svunto Dyes. Či kerdile le manuš le Svuntone Dyeseske. 28Kadya, o Šav le Manušesko si vi o Ray le Svuntone Dyesesko.”
Zur Zeit ausgewählt:
Marko 2: Kald71
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
maintained by the British and Foreign Bible Society
