Yaɓooda Takɨdɔt
Takɨdɔt
Yaɓooda i lo mbagɨr nyag.
Maktub yaɓooda ɔrr girr nyag'n ɗan nya lon Luwah ndahn deg (Yaɓ 1:1—11:32). Tag'n ton kam maktub Yaɓoodat, ɔj'j nya'n Luwah ndig kɨtɔ deg ho, nya'n i kɨ majal kam duniat ho.
Maktub ɔrrj girr ngan Israel, kɨ hoita lo bɨra bɔwg'n ɔrrɨn nõd. (Yaɓ 12:1—50:26).
Yaɓ 1:1—11:32.
Lon kɨ mbagɨr da maktub yaɓooda a ne, j'a kɨ nga nyag joo. Nya'n Luwah ndɨg kɨtɔ dunia ho, kɨtɔ deg'n ndahd ho. Ta kɨdasa (Yaɓ 1:1-31) elj ta nyag'n Luwah ndah, ĩn nyag kɨmaj takumat. Ta kɨkõjoo ɔj dɔ majal'n de so kamt ad nyag ɗe ton ro kɨtatɔa. Mbɨna deg majal ho, mbɨnad kɨ Luwah kaa ne majal tɔ. Mbɨna kɨ nyandahg tube kaa ne majal ho. Nya 'nten la i nya'n ɗa nya kam ndɔɔ Edent'n Luwah ɗa. Dekɨdɨngã kɨ dekɨdẽ ndigɨn tel rod go tat lo Luwah al. Gerɨn kad mberkɨnda lo Luwah i kɨtɔ maj lod al. Lon tɔin dɔ ndi Luwah ye, maj kad ndɨn kam ndɔɔ Edent al.
Tag'n j'a j'oo got a ne, ɔj dɔ kõg'n a teen dɔ degt kɨtɔ mbetɨn tel rod go tat lo Luwah. Nya 'nten ɗa ad mbɨna deg majal, i titbe la Kain tɔlɨn ngonkõn Abel ye (Yaɓ 4:1-26). Nya ɗa kɨgo lo ngetɔgt ɗa ad dɔning kɨtaagbe tel lo kɨmajal. Luwah kad ɔgɨn deg da majal kɨketekete ye, ad maan mbɔkɨ ɗe dɔningt tuj deg (Yaɓ 6:1—9:29). Be kaa ne nya 'nten asɨ deg al, na sah kɨ asɨn kɨ Luwah kɨ dɔa. Ɗan kuj kɨ ngal kɨ dõ puwuw kad'n ndɔdɨn ne Luwah. Kuj'n non ɗan natlot kɨ Babel (Yaɓ 11:1-32). Dɔboi nyag 'nten tube ɔj'j kad Luwah nda kumɨn go degt kad tujɨn al, na kad ndɨn kɨ dɔd dõ.
Ɓai dɔ Yaɓ 11:10 elj titbãi deg oojɨn na kad ɗoosɨn dɔning ho, telɨn girrdeg kɨ dang dang tɔ ho ye.
Yaɓ 12:1—50:26.
Tag'n ndangɨn kamt, ɔj go ɗob kɨ titbãi Luwah kɔtɨn deg kad maan naj tɔn ho, titbãi teen kɨ dɔn ad'd gerɨnɨn ho. Titbãi Luwah unɨn kɔn ad'd. J'a kɨ ngah ta lo Abraham ɓai dɔ Yaɓ 12:1—25:18. Ngona Isaak kɨ ngokaa Jakob, j'a kɨ ngah ta lod kam Yaɓ 25:19—36:43. Ĩgɨn non la ĩ bɨrabɔw girrdeg kɨ Israelt ye. Ngan Jakob kɨkɨlah gidaijoo la telɨn girrdeg kɨkɨlah gidaijoo ho ye. Ku ngan Jakobgt'n non, kɨmad kɨ tɔa i Jojep i kɨ kel ta loa ngãi kɨtɔ tel de kɨbo ngãi dɔning Ejipt't, j'a kɨ ngah ta loa kam Yaɓ 37:1—50:26.
Hoita lo bɨra bɔwg ɔj'jɨn kad deg'n non ngahn kõ ngãi, girrdeg kɨdangdang'n ndɨn kam dɔningt'n non ye, nyan lo adɨnd kanangbe al. Ɗɔɔn ngãi kamtã la taan ne dekɨdẽg ho, ngahn ne dɔning kɨtɔ ndɔɔ ho, maan kad nyakulg lod ãin ho. Dekɨɗen sah kɨtɔ ndɨ kɨ dɔn dõ ho, kɨtɔ nga majkurr ko ro Luwaht ho.
Bɨra bɔwg kɨbobo ndan ɓe lo kɨɗabe koon al, na hɔn londɨ ko dɔning kɨ Mesopotamit, ndan dɔning Kana gangɨn aw teen dɔningt Ejipt't.
Goot'n Luwah kɔt Abraham ye, Luwah kɔt girrdeg'n un kɔn ad'd. Maktub yaɓooda, ɓai ɗob ninat kɨ 1 teen ɗob ninat kɨ ɔj kad kunkɔ'n Luwah un ad Abraham ye, i kɨtɔ girrdeg tube la Luwah ad kunkɔ 'nten ton ye.
Zur Zeit ausgewählt:
Yaɓooda Takɨdɔt: MlL
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Mbai Bible Revision © Bible Society of Chad, 2015.