Matìù 4

Satàn tà̧à̧te a Yesò

(Mk 1:12-13; Lk 4:1-13)

1AfɨꞋa mbɔŋ, Fo Mbɔ̧ɔ̧mà nɨa Yesò nkɔꞋ ngà àbâ àlaꞋ àyuube, Satàn naa taãaãte atò. 2Tà tsèke èlibȩ èghem yekwì kà jɨ àghɨ, ale ndzìtsə te baãaã atò. 3Satàn kɨ̀Ꞌɨ̂ shu abua tò nê, “À wu Waã Mbɔ̧ɔ̧mà, à ghɨ̀ àti yàa a gheblè ntsìꞋi èghɨjɨ.”

4Yesò bɨ̀ɨ̀lè nê, “Àkata Mbɔ̧ɔ̧mà a laꞋnê, ‘Wɔ̀bȩ̂ nàà kà pem nkàà wuê èghɨjɨ bùà bùà’, ka èngà̧ ègème àa ndzəa ètsəê Mbɔ̧ɔ̧mà la aà ngɨ̀à wòt pèma.”

5Ndɔ̀Ꞌ abot, Satàn nɨa tò ngà a Jèlusalèm, ntsia atò a ntsɔ̀Ꞌ lob nɨ̧ Mbɔ̧ɔ̧mà. #4:5 Lob nɨ̧ Mbɔ̧ɔ̧mà wu taꞋà lob Mbɔ̧ɔ̧mà yu Fɔ̧̀ Sàlemun li mvəèəè a Jèlusalèm la. 6Mbɔ̂ shu abua tò nê, “A wu Waã Mbɔ̧ɔ̧mà, à kȩ ntem a si. Àkata Mbɔ̧ɔ̧mà a laꞋnê,

‘Taa tsàà bɔntu̧ bi bɔɔ baabe awê,

eŋeꞋe awê a èbu bɔb,

mbɨ̀Ꞌɨ̀ à wù̧ àka yè ane èti’.”

7Yesò shu abua tò nê, “Àkata Mbɔ̧ɔ̧mà a meè shu nê, ‘Kâ ntà̧à̧te a Tǎt wè Mbɔ̧ɔ̧mà’.”

8Satàn mè nɨa Yesò nkɔꞋ ngà a ègwet taꞋà èbȩ ko, nyɨ̀Ꞌte atò èlaꞋ sitsǎꞋ ègème nè ènɨ̧ awɔb. 9Mbɔ̂ shu abua tò nê, “À ŋɔ̀Ꞌne a si a mbì laã, ngùꞋtè am, ko maa ŋa èghɨ bàagème abua yê.”

10Ale, Yesò bɨ̀ɨ̀lè nê, “Lɔ̀Ꞌɔ a ngèt yaã à Satàn! Nkàà nê, Àkata Mbɔ̧ɔ̧mà a laꞋnê, ‘À bɔ ndɨ àa me wùꞋte wua Tǎt wè Mbɔ̧ɔ̧mà, mè ndzə wuê atò la’.”

11AfɨꞋa mbɔŋ, Satàn sa atò, bɔntu̧ Mbɔ̧ɔ̧mà e kɨꞋɨ̀, me taŋke atò.

Yesò bùꞋ àfàꞋ àzi a Galìlî

(Mk 1:14-15; Lk 4:14-15)

12Àfɨ̀Ꞌ yu Yesò zə nê bɔ baãaã Jɔ̌n màꞋa a tèfȩ la, tà lɔ̀Ꞌ ngà a Galìlî. 13Tà sa Nazàlet, tà ghà me tseke ne Kàpenàwuêm a ngèt èlemè Galìlî, àbâ àlaꞋ a Zebulùn nè Naptalì. 14À li ngɨ̀ anè, mbɨ̀Ꞌɨ̀ àghɨa ndàꞋàtɔŋ Mbɔ̧ɔ̧mà Àsayà lè shu la aa wu nkûŋ. Tà li nê,

15“Èbâ èlaꞋ Zebulùn nè Naptalì

alu̧ èlemè Galìlî,

àgua èdzî Jodàn,

àdziꞋa bòt kà wu Bèjuê àa ntsèka la,

bɨ ye èkaꞋà.

16Bòt bu bɔ li ntsèke a èbem ndzěm la,

e ye taꞋa èkaꞋà.

È me wu èbu bɔ li ntsèke àlaꞋ

mbɨ̀Ꞌɨ̀ bɔ wu a èbem ndzěm èvə la,

ko èkaꞋà e pùùla abua yɔb.”

17E bùꞋu àfɨꞋa mbɔŋ, Yesò bùꞋ me làꞋa èngǎ̧ Mbɔ̧ɔ̧mà shua nê, “Bɨ̀ waꞋa mènəè kàbɔ̀ŋ mɨ̧, Kèfɔ̧̀ Mbɔ̧ɔ̧mà kɨꞋɨ tê ntsìꞋi a ngèt yɨ̧.”

Yesò tɔ̀ bèmbaãaãbasə bakwì

(Mk 1:16-20; Lk 5:1-11)

18Mbɨ̀Ꞌɨ̀ Yesò nàa ngȩ̀ȩ̀na a ngèt èlemè Galìlî la, tà ye bèmbaãaãbasə ko babe è wu bɔnyɨ la, Simùn wu èlen tò ko li ngu Pità la, bɔ̂ wanyɨ vi Andùlù maꞋa tasat a èbem èlemè wu mbà̧aã basə. 19Tà shu abua yɔb nê, “Bɨ̀ nkùŋè am. Maa ghɨ̌ bɨ̀a tsiꞋi me kɨ bɔbȩ nɨa nkɨ̀Ꞌa abua am.” 20KwàꞋ àfɨꞋa mbɔŋ, bɔ sà bètasat bɔb bu nkùŋè atò.

21Tà lɔꞋɔ abot me ghà ne mbì, mè ndze wòt kǒ bɔ̂ wanyɨ vi, Jimsì waã Zebèdiì bɔ̂ wanyɨ vi Jɔ̌n. Bɔ li ngu a èbem ànkànuꞋ nè tǎt wɔb Zebèdiì, nèètà bètasat bɔb. Yesò tɔ awɔb, 22bɔ bê ntɨ̧ɨ̧ èka mbɔŋ sà ànkànuꞋ yu nè tǎt wɔb, nkùŋè atò.

23Tà me ghȩȩne a èdziꞋ ègème a Galìlî nyɨ̀Ꞌta èngǎ̧ Mbɔ̧ɔ̧mà a èbem lobte Mbɔ̧ɔ̧mà, mè ntsɔ̀tà Ntu̧ Ntsɔ̧̀ kèfɔ̧̀ Mbɔ̧ɔ̧mà, mè mbəèa tèwuute èghɔ̧ tègème, nè èlɔꞋ ègème ane bòt. 24Àndǎ tò a ghà a èdziꞋ ègème a èbem àlaꞋ və fɔ̀ɔ̀le a èbem Silìà ègème. Bòt e zə ale, nɨ bòt tèwuute èghɔ̧ tègème, nɨŋ nkɨ̀Ꞌɨ̂ abua tò tà bə awɔb. Bòt ènyit saa e li ngu ayɔɔ bòt baa, nè bòt fote kàbɔ̀ŋ, nè èbe èghɔ̧ màkwena, fɔ̀ɔ̀le ne èbe èbâ ènyit bɔb è pfəꞋte la. 25TaꞋà ènɔ̧̂ bòt e dzəa Galìlî, nè Dìkapolì, nè Jèlusalèm, nè Jùdià fɔ̀ɔ̀le agua èdzî Jodàn la, e me kùŋe atò.

Zur Zeit ausgewählt:

Matìù 4: mnf

Markierung

Kopieren