Ёханна Гириш
Гириш
Бу китап Исаның шәгирди Ёханна тарапындан язылды. Ёханна Иса душмазындан озал йөнекей бир балыкчыды. Йөне Иса билен душушык онуң дурмушыны дүйпгөтер өзгертди. Ёханна өз агасы Якуп билен Иса эерип, Онуң ресуллары болдулар. Олар Исаның иң якын шәгиртлериди, әхли ере Онуң билен биле гидердилер. Китапда «Исаның сөйгүли шәгирди» дийип язылан ерлери хем хут Ёханна барададыр (Ёха 19:26, 20:2, 21:7,20).
Ёханна бу китабы адамларың Иса Месихиң кимдигине дүшүнип, Оңа иман этмеклери үчин язяр. Ол китабың башында окыҗылары Иса Месих билен танышдырып, Оны ынсан кешбинде доглуп, арамызда яшан Худайың эбеди Сөзи хөкмүнде суратландыряр. Ёханна Иса Месихиң бизиң гөкдәки Атамыз Худай билен эбеди гатнашыгыны мәлим этмек үчин, Оны Худайың Оглы дийип атландыряр. Китапда Иса Месих «яшайыш чөреги», «дүнйәниң нуры», «говы Чопан», «хакыкы үзүм агаҗы» дийип атландырыляр. Ёханна Онуң гөркезен мугҗызаларыны гудратлы аламатлар дийип атландыряр. Бу мугҗызаларың шаяды болан адамлар Исаның догрудан-да Худайың Оглудыгыны тассыклаярдылар. Ёханнаның Хош Хабары илки-илкилер Азиядакы (хәзирки Түркие) месихи йыгнакларда окалярды. Ёханна бу йыгнаклары алып бармага көмек эдйәрди. Ёханнаның 1‑нҗи, 2‑нҗи ве 3‑нҗи хатлары, Ёханна гелен ылхам атлы Тәзе Әхтиң китаплары хем Ёханна тарапындан языландыр.
Мазмуны
Иса Месих – Худайың эбеди Сөзи 1:1-18
Яхя пыгамбериң шаятлыгы 1:19-34
Исаның илкинҗи шәгиртлери 1:35-51
Исаның гөркезен гудратлары 2:1–12:50
Исаның ердәки соңкы гүнлери: җебирлери ве өлүми 13:1–19:42
Исаның дирелмеги 20:1-10
Исаның шәгиртлерине гөрүнмеги 20:11–21:25
Zur Zeit ausgewählt:
Ёханна Гириш: TukCyr16
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Мукаддес Китап Терҗиме Институты, 2016