Гелип чыкыш 6:1-4

Бүтин дүнйәде адамлар көпелип башлап, олардан энчеме гызлар дүнйә инди. Ылахы барлыклар бу ынсан гызларының оваданлыгыны гөрүп, олардан өз халанларыны аяллыга алдылар. Шол себәпли Реб: «Мен адамзады эбедилик яшатмарын, чүнки олар тендир; онуң өмри йүз йигрими йыл болар» дийди. Шол заманда хатда ондан гиҗрәкки дөвүрлерде-де, дүнйәде нефиллер барды. Олар ылахы барлыклар билен ынсан гызларының несиллериди. Нефиллер гадым эйямдан бәри белли, ат-абрайлы гахрыманларды.