Саалтыр 4
4
1Хуор салайааччытыгар. Устурууналаах инструмент доҕуһуолунан. Давид псалома.
2Эйигин ыҥырдахпына миигин иһит, кырдьыгым Таҥарата!
Кыараҕастан Эн миигин киэҥ сир киэлитигэр таһаарарыҥ.
Абыраа миигин, иһит мин үҥэрбин.
3Оо, дьоннор, төһө өр эһиги мин чиэспин киртитэҕит?
Төһө өр сүпсүгү сөбүлүүгүт, көлдьүнү көрдүүгүт? Села
4Билиҥ Айыы Тойон итэҕэллээх киһитин
Бэйэтигэр туспа арааран ылбытын;
мин ыҥырдахпына Айыы Тойон миигин истэр.
5Абаран-сатаран да баран, аньыыны оҥостумаҥ,
сытан эрэ искитигэр сыаналаан көрүҥ, уоскуйуҥ. Села
6Сиэрдээх сиэртибэни эһиги биэриҥ,
Айыы Тойоҥҥо эрэниҥ.
7«Ким биһиэхэ үтүөнү көрдөрүөй?» – дэһэллэр үгүстэр.
Айыы Тойон, Эн сирэйиҥ сырдыга биһиэхэ сыдьаайдын!
8Эн мин сүрэхпин үөрдүбүт үөрүүҥ быдан үрдүк
дэлэй бурдуктаах, арыгылаах дьон үөрүүтүнээҕэр.
9Мин холкутук сытан утуйабын:
Эн эрэ, Айыы Тойон, араҥаччылыыр буолаҥҥын,
олохпор куттал суоһаабат.
Zur Zeit ausgewählt:
Саалтыр 4: СБК
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Институт перевода Библии, 2008-2022
