Иоанн 21:15-17

Олор ажанып отурарда, Иисус Симон-Петрга айтты: – Иона уулы Симон, сен Мени олордоҥ артык сӱӱп јадыҥ ба? – Эйе, Кайракан, Сеге карузып турганымды билериҥ – деп, Петр каруу јандырды. – Кураандарымды кабыр – деп, Иисус ого айтты. Оноҥ экинчи катап сурады: – Иона уулы Симон, сен Мени сӱӱп јадыҥ ба? – Эйе, Кайракан, Сеге карузып турганымды билериҥ – деп, Петр каруу јандырды. Иисус ого айтты: – Койлорымды кабыр. Иисус оноҥ ӱчинчи катап сурады: – Иона уулы Симон, сен Меге карузып јадыҥ ба? Ого карузып турган ба деп, Ол ӱчинчи катап сураган учун Петрга ачу боло берди. – Кайракан, Сен ончозын билериҥ – деп, ол Иисуска айтты. – Сеге карузып турганымды билериҥ. Иисус ого айтты: – Койлорымды кабыр.