Mwanduso 5
5
Ulelo wa Adamu
(1 Umwaka 1:1-4)
1Uno awo msafa wa ulelo wa Adamu. Imulungu viyalumbile wanhu, kalumba kamba viyeli mwenyego. 2Kalumba mbigalo na mtwanzi, kalagusa moyo unogile na kawakema, “Munhu.” 3Adamu viyavikize miyaka gana na malongo madatu, kalela mwana yaigalile na heyo, twaga jake kamkema Seti. 4Tangu Adamu yamulele Seti, kakala miyaka magana manane, na kalela wana wayagwe wa kimbigalo na wa kitwanzi. 5Adamu viyavikize miyaka magana tisa na malongo madatu kafa.
6Seti viyavikize miyaka gana na tano, kamulela Enoshi. 7Seti viyamulelile Enoshi, kakala yavikize miyaka magana manane na saba, kalela wana wayagwe wa kimbigalo na wa kitwanzi. 8Seti kafa viyavikize miyaka magana tisa na longo na mibili.
9Enoshi viyavikize miyaka malongo tisa, kamulela Kenani. 10Enoshi viyamulelile Kenani, kakala miyaka magana manane na tano, kalela wana wayagwe wa kimbigalo na wa kitwanzi. 11Enoshi kafa viyavikize miyaka magana tisa na tano.
12Kenani viyavikize miyaka malongo saba, kamulela Mahalaleli. 13Kenani viyamulelile Mahalaleli, kakala miyaka magana manane na malongo mane, kalela wana wayagwe wa kimbigalo na wa kitwanzi. 14Kenani kafa viyavikize miyaka magana tisa na longo.
15Mahalaleli viyavikize miyaka malongo sita na tano, kamulela Yaledi. 16Mahalaleli viyamulelile Yaledi, kakala miyaka magana manane na malongo madatu, kalela wana wayagwe wa kimbigalo na wa kitwanzi. 17Mahalaleli kafa viyavikize miyaka magana manane na malongo tisa na tano.
18Yaledi viyavikize miyaka gana na malongo sita na mbili, kamulela Henoko. 19Yaledi viyamulelile Henoko, kakala miyaka magana manane, na kalela wana wayagwe wa kimbigalo na wa kitwanzi. 20Yaledi kafa viyavikize miyaka magana tisa na malongo sita na mibili.
21Henoko viyavikize miyaka malongo sita na tano, kamulela Mesusela. 22Henoko kakala koilumba na Imulungu, viyamulelile Mesusela, Henoko kakala miyaka magana madatu, kalela wana wayagwe wa kimbigalo na wa kitwanzi. 23Henoko kakala miyaka magana madatu na malongo sita na tano. 24Henoko kakala koilumba na Imulungu, abaho kapotela, kwavija Imulungu kakala yamsolile.
25Mesusela viyavikize miyaka gana na malongo manane na saba, kamulela Lameki. 26Mesusela viyamulelile Lameki, kakala miyaka magana saba na malongo manane na mbili, kalela wana wayagwe wa kimbigalo na wa kitwanzi. 27Mesusela kafa viyavikize miyaka magana tisa na malongo sita na tisa.
28Lameki viyavikize miyaka gana na malongo manane na mbili, kamulela mwana wa kimbigalo, 29mwana ayo kamgwaa twaga da Nuhu, kuno kolonga, “Mwana ino ayo yonda yatuhoze mizoyo mwiisang'hano yetu ndala itusang'hana kwa makono getu mwiisi iduwiligwe na Mndewa Imulungu.” 30Viyamulelile Nuhu, Lameki kakala miyaka magana matano na malongo tisa na tano, kalela wana wayagwe wa kimbigalo na wa kitwanzi. 31Lameki kafa viyavikize miyaka magana saba na malongo saba na saba.
32Nuhu viyavikize miyaka magana matano, kawalela Shemu na Hamu na Yafeti.
Zur Zeit ausgewählt:
Mwanduso 5: King'hutu
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
NT: © 2014 Pioneer Bible Translators and The Word for the World
OT: © 2019 Pioneer Bible Translators
