Beliebte Verse in KAOBAK 37

Teilen

Youche, Josefei mangh che likei, hoba haoei kho haoen la lenkei; khoei haoenei hao aei ong mangsenkei.

Tou Israelei hao shousi shuong pendou to aeila Josef to sanoukei; aishanga hao hao la baushilamto bukkukei; hoba haoei hao la son juong kakbü nei lamlekukei.

Ladang hao jaisi shuongei haoeneibü bouei pendou yoka hao to aei sanouda dogo chühenkei, haoenei hao to mangsenkei hoba hao to sanou ngüh alau.

Kho phaia toukei, Josefei mangh che likei, hoba kho hao jaisi shuong to lenkei. “Ditashi, toukei ngei mangh che lia; hoba chühashi, chanyu si litnyu hoba khanshoulitshou anthükcheei ngo lembei.”

Hao jaisi shuongei hao to the shouan apbei; lausikei haobouei ngüh kho maanga phokei.

Haoei haoen to laukei, “Lo, ngeibü mangh lenkho ditashi. Sen pendou liko seka youshou thepjinei, chühashi, ngei thepbü youshang kho lokei, hoba chühsi, kaneibü youthep shuong kaijembo loukei hoba ngeibü youthep to khüpetan lembei.”

Tou kaiya, senei hao haitian püngkhün che to tekan jinan, meisiau amaibüei suian apa dogo laukho. Kheijinei haoeibü mangh kho ai loushedlaje senei chühkho.”

Hibü ladang Midianbü namyak namseibü shuong haoen jungto loukei, haoenei Josef püngkhün ka sungenan nam saoche lu Ishmaelbü la yaakkei, hoba haoenei Josef Ijep kaodak to leian haukei.

Haoen cheei che to laukei, “Manghlibou kho hato louada!

Lausikei haoenei hao saabüa hapan, hao alousühtoua hao haitila huon takkei.

sii hansho ongkei tüangti. Phetsena kibü püngkhün to tekan jinkho, lausikei hao to ik tüet.” Reubenei haoeneibü ik ka hao khümenan haobou jungto leian ngaikula shanga laukei.