Beliebte Verse in Ruka 20

Teilen

Mame ynara tykase Jezu eya xine: — Ĩperatu kyryry ekarotoko Ĩperatu a. Yrome Ritonõpo kyryry ekarotoko Ritonõpo a, tykase Jezu eya xine.

Mokaro eneryhtao ro ynara tykase Jezu: — Morara exiryke ynara tymerose ypoko Ritonõpo omiryme: “Moro topu turumekase tapyi rinanomo a. ‘Popyra mana,’ tykase toto oseya. Typahse roropa eya xine repe. Yrome inypapyhpyrykõ tapoise ropa eya xine kurãme kuhse exiryke. Ipoe rokẽ tapyi jamihme mana,” me tymerose Ritonõpo omiryme.

— Tomeseke ehtoko Moeze omihpyry warõkõ oenekunohpyra xine ehtohme. Toepyryparykõ se mã toto typoko xine. Toytorykõ se toh mana upo kurã ao. Pata rãnao tahtao xine: “Taro mah Tam?” kary etary se toh mana. Atamorepatoh tonõ tao imehxo exiketõ apõ po rokẽ porohnõko mã toto. Morararo otuhtoh konõto htao kurã rokẽ apoĩko mã toto tosarykõme. Pytỹpo tõ mõkomory apoĩko roropa mã toto tykyryrykõme, itapyĩkõ apoĩko roropa mã toto, iniokõ toorihse ahtao. Mame okynã sã oturũko toh mã repe Ritonõpo a imehnõ neneryme: “Kure moxiamo,” kary etatohme typoko xine imehnomo a. Yrome imeĩpo itamurumehxo toto wãnohnõko Ritonõpo mana apotoimo htaka toto pahnõko mana, tykase Jezu eya xine.