Beliebte Verse in Vakatekivu 9

Teilen

A sa kaya tale na Kalou, “Sai koya oqo na i vakatakilakila ni veiyalayalati au sa cakava kei kemudou kei ira talega na manumanu kecega, au na biuta na noqu drodrolagi ena o. Oqo na i vakatakilakila ni noqu veiyalayalati kei vuravura.

Ena gauna ena rairai kina na drodrolagi ena o, au na qai raica na noqu veiyalayalati tawa mudu vata kei ira na veika bula kecega ena dela i vuravura.”

O koya yadua sa vakamatea e dua na tamata, ena vakamatei o koya mai vua e dua tale, ka ni a buli na tamata me vaka na Kalou.

A sa vakalougatataki Noa kei iratou na luvena tagane na Kalou ka kaya, “Dou vakaluveni ka tubu me lewe vuqa mai, ka vakatawai vuravura.

Na manumanu kecega kei na kau drokadroka kecega ena rawa mo dou kania, au sa solia vei kemudou me kemudou kakana.

Era na rerevaki kemudou na veimataqali manumanu kecega ena dela i vuravura, na manumanu vuka, na manumanu era dau qasi kei na ika kecega ni wasawasa. Era sa soli talega ki na ligamudou mo dou lewai ira.

“Mo dou vakaluveni ka tubu me lewe vuqa, ka me ra lewe levu na nomudou kawa ka vakatawana na veiyasa i vuravura.”