Beliebte Verse in Luk 17

Teilen

So Jisas hemi sei long man ya, “Yu stanap an yu go nao, biliv blong yu nao hemi mekem yu fo gudbaek moa.”

Sapos hemi duim enisamting agensim yu long sevenfala taem insaet wanfala de, an sevenfala taem hemi kambaek long yu an hemi sei, ‘Mi sensim tingting blong mi nao,’ oraet, yu mas fogivim hem tu.”

Nao taem wanfala man long olketa ya hemi luksave dat hemi gudbaek moa, hemi kambaek long Jisas an hemi gohed fo singaot an mekhae long God nao. An hemi kam an hemi nildaon long frant blong Jisas an hemi talem tengkiu long hem. Bat disfala man ya hemi wanfala man blong Samaria ya.

So yufala mas lukaot gud long wanem yufala duim. “Sapos wanfala brata blong yu hemi duim enisamting agensim yu, yu mas stretem hem. An sapos hemi sensim tingting blong hem, oraet, yu mas fogivim hem.

Nao Jisas hemi sei, “Tenfala man nao mi mekem olketa fo gudbaek moa ya. ?Wea nao nara naenfala man ya?

Nao Masta hemi ansarem olketa olsem, “Nomata yufala garem biliv wea hemi smolfala olsem sid blong mastad tri, yufala save tok long tri longwe olsem, ‘Yu pulum yu seleva aot from graon, an yu go an plantem yu seleva insaet long solwata.’ An bae hemi save obeim yufala nao ya.”

So hemi olsem tu, eniwan hu hemi traehad fo sevem laef blong hem seleva, bae hemi lusim tru laef ya. Bat eniwan hu hemi lusim laef blong hem, bae hem nao hemi save sevem tru laef blong hem.

Nao Jisas hemi tok olsem moa long olketa disaepol blong hem, “Olketa samting wea hemi save mekem olketa pipol fo sin, bae olketa mas hapen ya. !Bat disfala man hu hemi mekem olketa samting ya fo hapen, hemi mas lukaot! Sapos wanfala man hemi mekem wanfala long olketa pikinini wea olketa biliv long mi fo foldaon long sin, hemi moabeta sapos olketa taemapem wanfala bikfala ston long nek blong man ya an torowem godaon insaet long si.

Nao wanem hemi hapen long taem blong Noa, hem tu bae hemi hapen long taem mi San Blong Man mi kambaek. Yu save, long taem blong Noa, olketa pipol olketa gohed fo kaikai an dring an mekem marit, go-go kasem barava de wea Noa hemi go insaet long bikfala sip ya. Nao long taem ya nomoa, bikfala flad ya hemi kam an hemi kilim dae evriwan nao.