Beliebte Verse in Juan 4

Teilen

Pueyasoori sohuanu. Naaratej, cante Pueyaso shuquiritiniu panijiacani, nojori cuaara secojoora Pueyaso puetunu noojiatajanaa, Pueyaso Sohuanu tojijiaca nojori quishacari.

Quiarijia cutara, cante seetanujuanaa Pueyaso shuquiritiajacani, nojoriiri na Que Pueyaso secojonutaniya puetunu noojiatajanaa, seetanujuanaa na tojijiaca nojori quishacari. Pueyasoori naa paniya pueya secojonura nojuaja, cante na secojonuujuacacuajani.

Saniniuujia, cante cua mohuaca ratunutaniyani, majaari socua na jiyamuenu quiniutianiuhua. Cua mohuacaari juhua samo naca pacartanutaniya pueyaracaanu noojiajinia, shuquiriaatia na rishiniuria pueyaracaanu.

Jesuuri saaja na sequeree: —Majaari quia niishiniu cante quia sequereeni: “Cua raatere”. Quiaa jaara niishiriquia casaa Pueyaso jiitiaa quiarani, quiaa maara cua sequere cua raatenura quiajaniya. Quiaa jaara cua masere, janiya maara quia raatere pueya samiitianijia mohuacani.

Jesuuri miriqui canaa sequeree: —Cua miishacari cua Jiyarona panishano, cunoori cua miaquesano, naajuhuaj, cua tucuatasacari na panishano.

Maajiiri na sequeree: —Jiyaniijianaa, majaari quenaaja quia jiitianu casaa, mohuaca quia taquiriatajara. Nio cuariiri jiyanohua tucuaa. ¿Quiaatucua teje taquitiare cuno mohuacani, pueya samiitianijiani?

Cuno maajiiri Jesu sequeree: —Janiyacuajaari niishiyani Pueyaso sequesano Cristo mijiria na jiyarosocoriquianoori niniutianiya. Nojuaja jaara tiuquiri, nojuajaari puetunu maninia pa pohuatanutaniyajanaa. Jiyacaritij, Jesuuri maatia na sequeree: —Janiyacuajaari cunoni, quiata pocoojiyacuajani.

—¡Miji pueyanaa, nia niquiquii pueyano! ¡Nojuajaari cua sequeree puetunu cua miishanojuanaa! ¿Majate Cristoni, tariucuacaanu Pueyaso sequesano pocua na jiyarosocoriquianotej?