Beliebte Verse in San Lucas 22

Teilen

Poemaꞌyocheñoth ateth otwen: —Apa, ñerraꞌm phach pokteꞌ enteꞌ arepaꞌchña pemnatatsche oꞌch xhapona ñeñth atarr amoeroxhtatañ nenten. Tharraña ñerraꞌm phach moenats añchaꞌña ateth pephaton ñeñth pemnen pha, amachña añeyaye ñeñth nemnen na.

Tharraña Simón oꞌch notaph, theꞌpaꞌ napaꞌ oꞌ nemaꞌyochwa phokop atthoch amach eꞌñe poktakma aꞌwañamphsonapeña pha attho atarr peyemtenna. Tharraña amaꞌtchaꞌ waponaphañ topateñets ñeñth atarr womenk, phaña allempopaꞌ oꞌch alla phokthapeꞌcherr kowen Yomporekop. Allempoñapaꞌ oꞌch alla eꞌñe kowen peyenpoer pemoꞌnasheñneshaꞌ atthoch ñetpaꞌxhoꞌña oꞌch alla womenk perret poeyoxher Yomporekop.

Allempoñapaꞌ cheterranerr ñamha pan, parasyosoꞌterranerr pompor. Chetan panpaꞌ shotaꞌch. Shotatwepaꞌ apaꞌyesan poeyochreshaꞌ ñeñthpaꞌ ateth otanet: —Añpaꞌ ñeñthchaꞌ nechets sepen ñeñthchaꞌ eꞌñe nepom atthoch eꞌñe nerroma sokop. Ñerraꞌm esempoch serren añ pan eꞌñech seyerpoeñothen na oꞌch serreñ.

Allempoña rrowet oꞌ chetan ñamha orramets, ñeñthpaꞌxhoꞌña ateth oterraneterr Jesús: —Añpaꞌxhoꞌña ñeñthchaꞌ nerras sepen ñeñthchaꞌ ashatarethtatsa sokop. Ñeñthpaꞌ alloch naꞌpoktatonas eꞌñe kowen etserra Nomporesho.

Ñapaꞌ atarr nanak poellkëñeshaꞌ maꞌyochena; poemaꞌyocheñothpaꞌ atarr nanak ñorraꞌten. Poꞌñorrñapaꞌ xha watena ateth ñerraꞌmrratheꞌ errasats tsopsaꞌtets patso.

Sapaꞌ arepaꞌchña attheyeꞌ sephannaꞌtatsto eꞌñe sommoꞌcheñoth. Ñerraꞌm erraꞌtsenothes ñeñthes atarr amhchaꞌtarethoyen entetsa, ñeñthes acheñrespaꞌ sokoppaꞌ añ poktetsa oꞌch ateth senterra ñerraꞌm ama esosheꞌmayayso ateth ñerraꞌm ñeñth atarr wepoeshaꞌ. Ñamha ñerraꞌm erraꞌtsenothes ñeñthes moeneneꞌ oꞌch atarr asherben entenset, ñeñthesña acheñrespaꞌ añ poktetsa oꞌch ateth senterra ñerraꞌm ama esoyayso, allochñapaꞌ atthoch eꞌñe kowen sethorrena poꞌpotantañekop.

Jesúsñapaꞌ ateth otererr: —Pedro, oꞌch notaph, eꞌñech añe tsaprokma amach eñenaꞌ atollop, phañapaꞌ oꞌch maꞌpoch phaꞌnasotenna. Ñeñthpaꞌ atethchaꞌ photen, napaꞌ añoꞌ pentarno.