Beliebte Verse in انجیل لوقا 6

Teilen

بِدَر کن بَه شِمَه آدوعِه بَبیَه. ایلَه پَتلَمَه پَیمونَه اینَه کن، فِرچین وتَکان آدوعَشونَه و کوکورو آبَه یَه شِمَه دومَنَه کا دَنَّکَرد! اِمی خونه کن هر پَیمونه اینَه کن بدَرَ، هه پَیمونه نَه بَه شمَه آدوعِه بَبیَه.»

چاکَه آدَم اِشتَن دلی چاکَه خَزانَکا چاکیی برن بوعَردی و بَدَ آدَم اِشتَن دِلی بدَ خَزانَه کا بَدی بِرن بوعَردی. اِمی خونه کن زون، اَچی ایکا کن دل اَیکا کوکوروعَه، گَف بَژَی.

اَمّا شمه، اِشتَن غَنیمون موحبت بکرَ، چَوون سَردِرِ چاکی بِکَرَو اَوون قَرض آدَرَ، بی اِمکن چَی پس ویگَتِه اینتیظاری بِدارَ، کن شمه اَجر یال بَبیَه، وخدایِه متعالی، خردنِن بَبیرون، اِمی خونِه کن خدا ناشُکرو آوشرَ آدَمونَّه مِرَبانَه.

پس رَحم بکَرَ، هَتَه کن شمه آستامونیَه دَدَ رَحم بَکَیَه.

«دیوون مَکَرَ تا شمَه سَردیوون مَبو. محکوم مَکَرَ تا مَحکوم آمَبَه. بِبَخشَه تا بَخشیدَ آبَه.

«ولی شمَه ایی کن چمن گَفی کان دَرَستِه، بَشِمَه باتیمَه کن اِشتَن غَنیمون موحبت بِکرَ و اَیِنیرا کن شِمَکا نیفرت دارن چاکی بکَرَ. کَسِنیرا کن بَشِمَه نفرین بَکَی، بَرَکتَه دِوا بکَرَ، و کَسِنیرا کن بَشِمَه اَیذَت بَکَی، خَیرَ دوا بکَرَ.

مَردومینه هَته رفتار بکَه کن بَپیرونهَ اَیِن شمه نَه رفتار بکَرِن.

اَگَم کَسی شمه صَفَتی ایوَری سِلَّه بژَنِه، صَفَتی دییَرَ وَری نی چَی طرف آگاردِنَه تا بِژَنِه. اَگَم کَسی اِشتِه ردا بَتکا ویگَتِش، اِشتِه شَوی نی بَی آدَ تا بِبَرِ. اَگَم کَسی چیی ایی بَتکا بَپیشَه بَی آدَ، و اَگَم کَسی اِشتِه مالی بَتِکا آبَرِ، اَیکا پس مَخا.

«هیچ چاکَ داریی، بَدَ میوَ اکین نیَوَرد و هیچ بَدَ داریی، چاک میوَ نیَدا.

هر داریی چَی میوَکا بَبی آزنستِه. اِمی خاطر کن نِه چغیکا بَبی اِنجیل چییِه و نِه خِندِلَه بریکا بَبی اَنگِر چیِه!