Beliebte Verse in ئنجیل مەتا 5

Teilen

هویچکەس چراخێگ ڕوشن نیەکێ تا بنێدەێ ژێر سەوەتەێگ، بەڵکەم نێدێ بان چراخدان تا ڕوشنایی بیده گشت ئەوانه که هانه ناو ماڵەگه. هەرئیجوره بیلن نویردان ئەڕا مەردم بدرەوشێد تا کردەوەیل خاسدان بوینن و باوگدان که ها ناو ئاسمان، جەڵاڵ بێەن.

«ئیوه نویر جهانین. شارێگ که وەبان کویه درس کریاس نیود بشاریدێەو.

خوەش وه حاڵ ئەوانه که دڵپاکن، چوینکه ئەوانه خودا دوینن.

خوەش وه حاڵ ئەوانه که ورسی و تیەنی سالح بوینن، چوینکه ئەوانه تێر بون.

وەلێ مه وەپێدان ئویشم دشمەنیلدان دوس بیاشتون و ئەڕا ئەوانەیش که ئازاردان دەن دوعای خیر بکەن.

«خوەش وه حاڵ کەسیلێگ که وه روح دەستەنگن، چوینکه پادشایی ئاسمان ئەڕا ئەوانەسه.

خوەش وه حاڵ ئەوانه که ئاشتی‎خوازن، چوینکه ئەوانه ڕوڵەێ خودا خوەنریەن.

خوەش وه حاڵ ئەوانه که ئازیەتبارن، چوینکه دڵنەوایی گرن.

خوەش وه حاڵ ئەوانه که وەبونەێ سالح بوین عەزاو دوینن، چوینکه پادشایی ئاسمان هن ئەوانەسه.

خوەش وه حاڵ ئەوانه که بەزەیی کەن، چوینکه بەزەیی تێدە پێانەو.

«خوەش وه حاڵ ئیوه ئەو وەخته که مەردم وەبونەێ مه خراو دەنه پێدان و ئازاردان دەن و وه درو گشت جور قسیه‎ گە‎نیگ له باوەتدان ئویشن‎. خوەشاڵ بون و شادی بکەن، چوینکه پاداشدان وەناو ئاسمان گەوراس. ئەڕا ئیه که پەێخەمەریلی که وەرجه ئیوه بینه، هەر ویجوره ئازارێان دانه.

خوەش وه حاڵ ئەوانه که حەلیمن، چوینکه زەوی وه میراتی بەن.

«ئیوه نمەک زەوین. وەلێ ئەگەر نمەک تامێ له دەس بێی، چوی بو وه دواره سوڵەو بکرێ؟ دی وه کار هویچ نیەتێ بێجگه ئیه که فڕه بدرێده دەیشت و مەردم پاوڵای بکەن.

جا ئیوه باێه کامڵ بوین هەر ئەوجورە که باوگ ئاسمانیدان کامڵه.

جا با ’بەڵێ‘ ئیوه ’بەڵێ‘ بود و ’نه‘ ئیوه ’نه‘ بود، فرەتر وه ئیه، وه شەڕئاشوه.

«شنەفتینه که وەناو تەورات وەتریاس: ”چەو له جیاێ چەو و دگانیش له جیاێ دگان.“ وەلێ مه وەپێدان ئویشم، وه نوای ئایەم شەڕئاشو نەوسن. ئەگەر کەسێگ چەپاڵەی دا ناو گوش ڕاسد، ئەولادیش ئەڕاێ بگر.

جا ئەگەر چەو ڕاسد تویش گوناد کەی، دەرێ بار و فڕەی بیه، چوینکه ئیه ئەڕا تو خاستره ئەنامێگد له دەس بێی تا ئیه که گشت جەسەد بکەفێه جەهەنم. جا ئەگەر دەس ڕاسد تویش گوناد کەی، بوڕێ و فڕەی بیه، چوینکه ئیه ئەڕاد خاستره ئەنامێگد له دەس بێی تا ئیه که گشت جەسەد بچوده ناو جەهەنم.