Beliebte Verse in مَتّی 16

Teilen

اَسَه ویر کِردیَ شاگردَلی ئو وِتی: «اَرّ کسی بِیتی باءَ تُرّ مِنا، باس ووژ حاشا کِ، صلیب ووژ بِگِریِ کول ئو باءَ تُرّ مِنا.

مِن‌یشَ موشِم گه تو پطرسین، یانی کمر، ئو مِه کلیسا ووژِم اَرسر ایی کمرَ ماوژِم ئو دروازَه‌ل جیَنِم فائق نِمانی اَری.

کِلیلَل پاتِشائی آسمونتَ میَم‌ئون. اَ چیئَه گه اَررُی زَمی بوئنین، اِنوم آسمونَ موئنی، ئو اَ چیئَه گه اَررُی زَمی واز کِین، اِنوم آسمو وازَ ماو.»

اَرِیَگه هر کی بِیتی گیو ووژ نجاد دِ، اژ دسَ مِیتی؛ مِنتائای هر کی وَه خاطر مِه گیو ووژ اژ دس بِ، اِدوارَه مارِتیَ دس.

اَرِه اِنسو چه فادَه گه کُل دنیا بیَری، مِنتائای گیو ووژ اِربِنی‌؟ اِنسو اِجال گیو ووژ چَه مَتونی بِ؟

عیسی پِرسیتی: «هُمَه چَه موشینو؟ وَه چیَم هُمَه‌آ مِه کیِم؟» شَمعونِ پطرس جوواوا داتی: «تو هَراَ مسیحینَ گه باس بای، کُر خداءِ زِنی!»

عیسی وِتی: «خَوزگالَ تو، اِاِ شَمعون، کُر یونا! اَرِیَگه گوشد ئو خوین ایی حخیختَ اَر تو آشگارا نَهَردیِ، بلکِم باوَه مِه گه ها نوم آسمون‌اِر یَه آشگارا کِردیِ.