Beliebte Verse in 1 Пачаби 2

Teilen

БЕТӀЕРГЬАН гӀадин вацӀцӀадав щивго гьечӀо; гьечӀо тӀокӀав Мун гӀадав; Нижер Аллагь – борхатаб кьуру, Дуда бащадаб жо щибниги гьечӀо.

ХӀурулъа рахъун рорхизе гьарула мискинал ва рахъулъа – пакъирал; хӀурматиял тахбакӀазде рахинарула ва къадру-къиматги насиблъизабула гьезие. Гьаб ракьалъе кьучӀги БЕТӀЕРГЬАНАС лъедал ва гьеб кьучӀалда тӀад гьаб дунялги Гьес рекъезабидал.

Жиндие ритӀухъазул нухал Гьес цӀунула, амма квешал чагӀи бецӀлъиялъул тӀинда кӀалал рукъун ккезарула, щайгурелъул, инсан жиндирго къуваталдалъун бергьунарелъул.

БЕТӀЕРГЬАНАС мискинлъизеги гьарула, ва Гьесго бечедги гьарула; гӀодорегӀан ккезарула ва тӀадегӀанлъизеги гьарула.

БЕТӀЕРГЬАНАС рухӀ бахъула, ва Гьесго гӀумруги кьола; Гьес жагьандаманалъул кӀкӀалахъе рехула, ва гьениса рорчӀизеги гьарула.