Beliebte Verse in मर्कुस 2

Teilen

तसौ यि कहिन् सुन्‍नेसौ येसुइ उखर्ह्‌वालाइ यन्हिं बोल्‍लाहा, “निरोगिलकलाइ डाक्टरक् खाँचो ना पोरेक्, रोगिलकलाइ पे चाहेला। उहेरङ् करिहिन् मुँइ धर्मिलकलाइ बोइने, तर पापिलकलाइ हाँख्‍राबा आइल रहम्‍ना।”

येसुइ उखर्ह्‌वाक् बिस्वास देखिबानाइ उ कुज्या मानुसलाइ बोल्‍लोकुन्, “अ बाबु, तोरा पापलक् छेमा भेल रहेस्ला।”

तसौ येसुइ यन्हिं बाजिहिन् कहिन् टुर्‌हालक्, “बिसारिक दिन मानुसक् लागि बन्ल हो, तर मानुस बिसारिक दिनक् लागि बोइनें।

ओछि मानुसलकक् धुइरो रैल्ह सिहिरे उखर्ह्‌वाइ बेरामिलाइ भिट्‌रै येसुक्‌ठालाइ पुर्याबा नहिंपार्लिहिंक्। उहेसिहिरे येसु बस्ल रैल्ह ठाँओक् सोझा-सोझ उप्‍रक् छान्हलाइ उखर्ह्‌वाइ उज्‍रालुहुन्, आउँ बेरामिलाइ बिछौनाक्‌सङ्‌हिं बिस्तारे येसुक्‌ठालाइ टर नाभालुहुन्।

तर दिठाहो, मुँइ मानुसक् बेटाहिकलाइ यि पिर्‌थिबिमा पाप छेमा कर्बाक् अधिकार रहैस् बाज्बाक् कहिनक् पर्‌मान मुँइ तोहोराखर्ह्‌वालाइ देमेहेंर्ला।” तसौ येसुइ उ कुज्या बेरामि मानुसलाइ बोल्‍लोकुन्, “मुँइ तोरानि बोल्मेर्ला, असौ उठ्, आउँ आफ्निक् बिछौना बोकिहिन् घर जा।”

यि कुज्या मानुसलाइ ‘तोरा पापलक् छेमा भेवास्बे’ बोल्बा, आउँ ‘बिछौना उठाहिन् हिंठ्’ बोल्बामा, कुनसेहे सजिलो भेला भेका ते?

तसौ उ उठ्‌लक्, आउँ तुरुन्ते बिछौना बोकिहिन् जम्‍माहिंक् आगारिक्‌भटे हिंठिहिन् जाइलक्। यरङ् कि जम्मा मानुसलक् छक्‍क पोर्लुहुन्, आउँ “हामि यरङ् ता कख्नुहुँय नाहा देखुहुँक्” बाज्तिहि उखर्ह्‌वाइ परमेस्वरक् पर्‌सन्सा कर्बा ठाल्‍लुहुन्।