Beliebte Verse in मर्‌कुस 13

Teilen

हसे मेह्राके बिस्‍वास कर्‌लगुनेइ तेउह्रासब्‍के सभुनि हेला कर्‌ताहात्, तर जिबनक अन्‍तिम दिनसमन स्‍थिर रहलारसब्‍के बाचाताहात्।

उहइगुनेइ होसियार भइकुन जग्‍लइ बोसउ, किकेकने उसे बेला कइह्‌या आइत कइकुन तेउह्रासब्‍के थाहा नइजे बाटइ।

जब उसबेइ तेउह्रासब्‍के धरिकुन मुद्‌दा चालाताहात्, तब आघुहिँसे नइ किति बोराइके हखइ कइकुन चिन्‍ता झुनकरउ। उसे बेला जिति तेउह्रासब्‍के देइत, उहइ मत्‍रइ बोराओ किकेकने तोहेसब नइजे, तर पबित्‍र आत्‍मा बोराताहात्।

सोर्‌ग र पिर्‌थिबि बितिकुन जाइत, तर मेर बचन कइह्‌याउ नाबितइ।

“तर उसे दिन र बेलाक बारेयँ परमेसोर बुबाके बाहेक कोख्राहुके थाहाइ नइजे, न त सोर्‌गयँ भइल सोर्‌गदुतसब्‍के न त छावाके।

जब लडाइ र लडाइक हल्‍ला सुन्‍ताहाउ, तब तोहेसब झुनडाराओ। किकेकने यस्‍न घटनासब भइके नइ पोरित, तर सन्‍सारक अन्‍ते चाहिँ नाभओइ।

उहइगुनेइ तोहेसब पुनु जग्‍लइ बोसउ, किकेकने घरक मालिक ब्‍यार, आधा रातयँ, भाले बास्‍ते, अथबा बेहेन कोनो बेला अइताहात्, तोहेसब नाजानउ। नत्‍र उसे अन्‍चक्‍लइ अइतेखना तेउह्रासब्‍के निन्‍दाइराख्‍ल भेट्‌बक। मोइ तेउह्रासब्‍के जिति कहल बाटम, उसे सभइके कहतम् ‘जग्‍लइ बोसउ।’”

जातक बिरोधयँ जात र राज्‍जेक बिरोधयँ राज्‍य उठित। धेरइ ठाउयँ भुइचाल जाइत, र अनिकाल पोरित। इसे चाहिँ बेटिसब्‍के सुत्‍केरि बेथा सुरु भइल जस्‍नइ दुखक सुरुवात हखइ।

तर अन्‍तिम दिन आइकेकते आघु सभइ जातसब्‍के सुसमचार प्रचार करिके पोरित।

धेरइ जेना मेर नाउयँ ‘मोइ ख्रिस्‍ट हखम’‌‌ कहतिन् अइताहात्, र धेरइके झुक्‍केताहात्।

“तोहेसब चाहिँ होसियार रहउ। मेह्राके बिस्‍वास कर्‌लगुनेइ उसबेइ तेउह्रासब्‍के अदालतयँ लेज्‍ताहात्, र सभाघरयँ लेजिकुन ठोक्‍ताहात्। हसे तोहेसबेइ हाकिमसब र राजासब्‍क आघु मेर बारेयँ गवाहि देइके खडा भइकेपोरित।

किकेकने ओस्‍न झुठा ख्रिस्‍ट र झुठा अगमबक्‍तासब देखार पोरिकुन सकेसमन परमेसोरक मानुससब्‍के समेत झुक्‍काइके लागि बड्‌क-बड्‌क चिना र अचम्‍मक कामसब कर्‌ताहात्।

“उसे बड्‌क कस्‍टक बेलायँ घाम र धवरेइ उजुङ नादेओइ। हसे आकासक तिरियासब खसित् र आकासक सक्‍तिसब डग्‍मगाइत।