Beliebte Verse in San Lucas 18

Teilen

Sindiꞌi saa xa̱á Jesús ndítuꞌun ra xiꞌin nda ítaꞌan xiꞌin ra, ndíkani ra nuu nda ya ná kaꞌan ni nda xiꞌin Ndioxi, ta ná ndïko koo ini nda.

Tá tu saa i̱kan ra ikán, ta ndisaa ka vi Ndioxi, ¿án chïndee ra na ndi̱kaxin ra tá ná kaꞌan na xiꞌin ra vitin taan? ¿Án ndïkuiin kama ra yuꞌu na? Kama ni va ndikuiin Ndioxi yuꞌu na chindee ra na. Sundi tá ná ndiko koo yeꞌe Taa ra xa̱a ñuu ivi yóꞌó, ta köo xíni i ¿án koo ka na ndáa ni ini xíni yeꞌe? ―káchi Jesús xiꞌin nda ítaꞌan xiꞌin ra.

Ñaa ndi̱kuiin Jesús káꞌan ra: ―Íyo ñaꞌa ndíchi ni köo kúchiñu na ivi yóꞌó ikan na, sundi nuu Ndioxi ta nda iin ya köo ndíchi ―káchi ra.

Ta ni köo káꞌan ra juez ikán chindee ra yá. Saa kúu yá, saa kúu yá xíka yá nuu ra vitin taan. Ñaa xa̱á ndíkani ini ra káchi ra saa: “Vani köo káñuꞌu i Ndioxi ni köo káñuꞌu i na ivi yóꞌó, ta chindee saꞌa i yá ndi̱ndoo ndaa yóꞌó ya ná kïxi ka yá nuu i, saa chi vaxi ta vaxi va yá nuu i, ta síndiꞌi ni yá yeꞌe”, káchi ra juez ikán. Soꞌva káꞌan tuꞌun ndíchi ikán ―káchi Jesús.

Ya ndaa káꞌan i xiꞌin ndo, tá xïin ndo kandixa ndo tá kuꞌva kándixa na vali yóꞌó, ta küchiñu ndo kiꞌvi ndo nuu xáꞌnda chiñu Ndioxi ―káchi Jesús.

Ñaa ka̱na ndiꞌi Jesús mií na vali ikán xa̱a na nuu ra, ta saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Käsi ndo nuu na vali, taxi ndo ná kixi na nuu i, chi ndiꞌi na íin tá íin na vali, na yóꞌó ku na koo nuu xáꞌnda chiñu Ndioxi.

Ta saa ndi̱kaꞌan Jesús xiꞌin ra, káchi ra saa: ―Vaꞌa sindaꞌa i yóꞌo̱. Ndáa ni ini un yeꞌe, yakan sindaꞌa i yóꞌo̱ ―káchi ra.

Saa ndi̱kuiin Jesús káꞌan ra, káchi ra saa: ―¿Ndachu káꞌan un xiꞌin i “ra vaꞌa ni”, káchi un? Köo na vaꞌa ni, iindaa mituꞌun Ndioxi ku ra vaꞌa ni.