Beliebte Verse in Yohan 6

Teilen

Yesuí, “Ngà nø gø̀nshaq zidòng ǿngàe. Ngà yv́ng di ra vsv̀ng nø kadvgvp gø svrí mvshì long. Ngà sv̀ng kv́m we kagǿ gø, dvciqciq mvbál long.

Gvray Pvlàcèí nø gø̀nshaq zie, vsv̀ng nònggù:ní nø pàgø wá mvlúnshì. Ngàí nàmaq sv̀ng shø̀nò we kàrì nø, Pvlàcè nv̀ng gø̀nshaq íe.

Bøp sháò we v́mlv́m dvpvt mèdèzaqshìnø̀ngni. Dvciqlvpat gø̀nshaq dvcú:nò we v́mlv́m dvpvt dèzaqshìnø̀ng. Vsv̀ng Àngcèpèí nàmaq sv̀ng v́mlv́m welòng èzí daqnø̀nge. Kadø íe wani yadø zílv́m vmíng vkv́ng Vpè Gvrayí Ngà kaq vzíshaq íe,” wa vtá:nòe.

Kadø íe wani Vpè Àng nøt nø Àngcèpè sv̀ng yà:ngò nø̀ kv́m we gǿ vrà:mí dvciqlvpat gø̀nshaq lúnlv́m yalòng íe. Vrá, lv̀ngdø̀m ni taq Ngàí àngmaq sv̀ng dvzunlv́m íe,” a:lòe.

Yesuí àngmaq sv̀ng, “Gvrayí wá dvzv́r mvyǿ we bv̀nlì nø, À:ngí dvzv́r daqà pè sv̀ng nàmaq kv́mlv́m lòng íe,” a:lòe.

Vpèí Ngà sv̀ng èzøngvt we kagǿ ínìgø Ngà yv́ngsv̀ng di rae. Ngà yvng di ra we kagǿ sv̀ng gø, kadvgvp gø Ngàí mvgurò.

Simon Piterí, “Kàngpèá, nøngmaq nø kagǿ yv́ngsv̀ng lvloìni? Dvciqlvpat gø̀nshaq kàrì nø Nà yv́ng wa vle.

Ngà nø muqlàng kèní la daqà we cúnshì we zidòng ǿngàe. Zidòng yalòng á:mò we kagǿ ínìgø dvciqlvpat cúnshì longe. Vrá rvgaq tø̀m vsv̀ngrì cúnshìlv́m dvpvt Ngàí zílv́m zidòng nø, Ngà sha íe,” a:lòe.

Ngà sv̀ng dèzv́r dakngà pè Vpèí vshòò gǿ wa mø̀í nìnø, Ngà yv́ngsv̀ng kagǿ gø dí mvlúnshì. Ngà yv́ng di ra gǿ sv̀ng nø lv̀ngdø̀m ni taq Ngàí dvzunlv́m íe.

Kadø íe wani Gvrayò zidòng nø muqlàng kèní lashì daqì nø̀, rvgaq tø̀m vsv̀ng kaq gø̀nshaq zíshú pè íe,” a:lòe.

Ngà nø gø̀nshaq zidòng ǿngàe.

Yesuí zidòngrì lùò nø̀, Gvray kaq oqà wa dá:ngí, rúng bǿì rì sv̀ng àngmaq shòng dv́ngte túnaòe. Welòng dø ngarì gø túnaòe. Àngmaq vgàá:mì kvt, Yesuí Àng coqcv́nrì sv̀ng, “Tiqhvn gø mvsǿmlv́m dvpvt, v́m vchéò rì rèkulnø̀ng,” a:lòe.

Àngmaq nø vshø̀m vbì ming dv́ngte rvpshì bǿì dvgvp, Yesu nø tì mvdv̀mdv̀m di nø̀, kùngshí shvnvng tvp níshì ráì we sv̀ng àngmaqí yv̀ng bǿà nìnø shérvkaq svre lú:ngì. Yesuí àngmaq sv̀ng, “Ngà ǿngàe, mèsèrenø̀ngni,” a:lòe.