Beliebte Verse in Mʉkpanganɨa 6

Teilen

MAKWƆƁƗƗ ɔ꞉tungwonoko ɓɔ, ambɔ a꞉kɨamʉ jɛnɛ gɔ mombi akɔ dɔdɔ. Mʉtɨma ngʉwangɔ wɔ꞉dya ikoko ɓɔ chʉ chʉ chʉ.

MAKWƆƁƗƗ ɛ꞉na ɓɔ, ɓʉɓɨɓɨ ngʉɓɔ ɓombi ɓɔ dɔdɔ ɓɔbeluo tɨa beluoni, nɔ, ɓa꞉tɨsaakɨa tunguo ta ɓʉɓɨɓɨ amati ɔ mɨtɨma ngɨyeɓo, masi ta maɓomu.

Yakamɛngana, Nɔa ɛ꞉nɨanɨa nɔ ɨjɨɔ apɛɨ ɔ MAKWƆƁƗƗ.

Ɨsaʉ ngɨyɔ Nɔa ya ɓɔ: Nɔa a꞉ɓio mombi ata ngbingbii, nɔ ɨya, a꞉tɨpɛmakɨa mapanʉ ngʉkɔ Asɔɓɨɨ, ati ɔ ɓombi ngʉɓɔ ngbinga ngɨananɨ angɔ, nɔ, a꞉tɨkyɛndaka ɨhɔ nɔ Asɔɓɨɨ.

Ga MAKWƆƁƗƗ ɓɔ: «Na꞊dʉkiso ɓombi ɓaɓomu, ngʉɓa na꞉ɓʉkɨa akɔ dɔdɔ ta ɓɔ gbatata. Na꞊dʉkiso kʉ nɔ ɓanama ngʉɓa ɓɔta ɓakpɔkpɔ, nɔ ʉɓa ɓɔta bele bele, gʉtʉ ta ɓanoi. Dɔ ɨmɨ natungwonoko ɓɔ, ambɔ nɔ꞉kɔɓʉkɨamʉ jɛnɛ gɔ akɔ dɔdɔ!»

Ɨyɛ ndʉ ɓombi ɓa꞉pʉnga tɨa anucho akɔ dɔdɔ, nɔ, ɓɔ꞉nɔta ɓana ɓeɓoi, ɓombi ngʉɓa akʉʉ ɓisi ɓɛ꞉na ɓɔ ɓana ɓeɓoi ngʉɓɔ ɓombi ɓa꞉ɓio manjanja. Kʉdɔ, ɓɔ꞉chwa ɓuso nɔ nganangana ati eɓo, nɔ, ɓɔ꞉ɓʉsɨka ndʉ ɓoi. Ga MAKWƆƁƗƗ ɓɔ: «Yangɔmʉ iɗo ɓɔ nɨsɨa mʉhʉmʉ wɔ uɓei ngʉwɔsɛmɨ, akɔɓio amati ɔ ɓombi mago nɔ mago, dɔ, ɓa ta ɓombi ɓɔ dɔdɔ ɓʉtʉʉ. Anɨngwa ɨtakɨtakɨ ngɨyɛ, uɓei ngʉwangɔ wa꞊ɓio tɨta mago mɨa mʉngana nɔ ɓatɛkɛɓɛ ɓapɨnɨ ɓʉtʉʉ.» Akɔ angbinga ngɨananɨ jɛnɛ, ya꞉ɓio nɔ lagʉ lɔ ɓague, ngʉɓa ɓa꞉tɨɓisoko ɓɔ Ɓanefili. Ɓombi ngʉɓɔnanɨ, ɓa꞉ɓio akɔ dɔdɔ, apɛɨ nɔ ambise ngɨa ɓombi ngʉɓa akʉʉ ɔ ɓisi ɓɛ꞉ka jɛnɛ-ɔɔ, akɔsɨkana nɔ ɓana ɓeɓoi ngʉɓɔ ɓombi. Ɨɓɔ ɓana ɓeɓoi ngʉɓɔnanɨ, ɓɔ꞉ɓʉnɔtɨa tɨa ɓana ngʉɓa ɓa꞉ɓio jɛnɛ pɛɨ anʉkɨa kʉ ingono.

Nɔa ɔ꞉kɨa iɓomu ngbanga ta ndʉ aka, Asɔɓɨɨ a꞉mutitio-ɔɔ ɓɔ ɨkɨa.

Ga Asɔɓɨɨ nɔ Nɔa ɓɔ: «Nɔkwaisio tɨa kwaisioni akɔdʉka ɓombi ɓaɓomu. Dɔ, dɔdɔ ɔhuo nɔ ɓʉkaɓʉkaɨ akɔ yaka yeɓo. Na꞊ɓʉwa ta ɓɔ sɛ, ɨhɔ nɔ dɔdɔ tɨa kʉtaa!

Kɨa ɨngbɔɔ yɛta ɨja nɔgbɛ, nɔ maɓaʉ kɔta ɓʉmʉ ɓʉmʉ akɔ yaka yɛsɔɔ. Wɔ꞊ɨnagbonyoko amati ɔngɔ akɔ ɓana ɓɔ lɨkáá, nɔ, wɔ꞊ɨkokokio nɔ ɓʉtɔɓɛ amati nɔ aɓei ɔngɔ kʉtaa.

Asɔɓɨɨ a꞉kanga dɔdɔ ɓɔ gbɔɔ, ɛ꞉na ɓɔ ɔ꞉yangaɔ yangaanɨ, dɔ, ɓombi ɓaɓomu ɓa꞉ɓio akɔkpata tɨta lɨngbaa lɔ ɓʉɓɨɓɨ.

Wa꞊kumonio suo amati ɔ ɨngbɔɔ, nɔ migbo yɔ ɓayaka ɓaɓomu ngʉɓa ɓakɨhomuo, ɓapɨnɨ-ɓapɨnɨ gue ɔngɔ, nɔ moi ɔngɔ, dɔ, ɓɨhɛya anɔ ambamba asɔɔ.