Beliebte Verse in Yùxanà 10

Teilen

Shɔɔ̀n nà kuàn na pɛn waa, è shɔnbeè rìì fa, è vui fa, è baragoò fa. Mun nà kuàn nì yɛ mòdzian yè jaamabee dziù tàrà, y'à tàrà, fɔ è jaa yè bè cɛn.»

Yesù yè dzin kɔn ci: «Mun nì dzwɛka kplatsuubaa wùɔ. Dzwɛka kplatsuubaa wùɔ yè e xɔɔn sìan e re sàà rèè kamà.

Mun ne sàà rèè mun vuà myɛ̀ɛn. Mun yè è tɔ̀, yè bà e gbaàn mun kpɛyn.

Mun jaamabe dziù dòbɛɛ sìan è ra, bara na ni è mà waa, mòò pɛn to fa dzi è kun bo mun suun waa.

Mun nì dɔ̀nmàdziɛ, mòò riì ye dɔn mun ne, tɔ nà tsi. À tsìfa nà dɔ̀n, è bo e saoma, è dziira gaa ɲwɛyn jà.

Mun nì dzwɛka kplatsuubaa wùɔ. Min ne sàà rèè tɔ̀, mun ne sàà rèè yè bà mun tɔ̀.

Mun Fà Ŋaablà niì yè è sìun mun na, tɔ blà gè sapɛ ma, mòò pɛn to na dzia è kun bo mun Fà Ŋaablà suun waa. Mun ko n Fa Ŋaablà, ɲe sa wò soo rìì.»

Tɔ ni a ci Fà Ŋaablà mun tɔ̀ nìi tsuru, mun sa yeè bà à tɔ̀. Mun yè n xɔɔn sìan n ne sàà rèè kamà.

Mòò pɛn na dzia mun xɔɔn bo mun na waa, à kuà mun nì ɲàn, m'a sìn. À dzi ni mun na m'a sìn, à dzi yeè bà ni mun na m'a sèè tsi. Tɔ dzugooma xɔù, mun nìi tàrà bou n Fa Ŋaablà re.»

Tà shɔ̀ùn, Yesù yè dzin kɔn ci: «Sààben na, mun nì ci e ra, mun nì sàà gbaà dɔ̀nmàdziɛ.

Ŋà, mòò riì sàà rèè kplatsuɔ sàr'là ma, tɔ̀ na è kplatsuubaa taki takià waa, sàà rèè to na à raa waa. Àwà, tɔ̀ ye kparan nakɔɔn ja nìi tsuru, tɔ̀ y'a vwɛ̀ynkɔɔn, è sàà rèè bàto. Kpar'na kuin faa tɔ̀un è sàà rèè jee.

Àyìwà, Yesù yè dzin ci: «Sààben na, mun nì ci e ra, mòò riì sàà gbaà dɔ̀nmàdziɛ toò, è bè tèyn gàne kpɛrɛ ɲan è dɔ̀n sàà gbaà doùn, tɔ̀ tsìfa shɔn nì, è bà gookoronfabaa.