Beliebte Verse in Lukas 12

Teilen

Aning atonun na babye, Ninye Mi Koprop Atonunye yanamne talak ara, anggun talye kanye bobuka unmamunye keting deice aryuk yanamna ati, kanye talima kintinubaka dimunce, kanye moubuka pia kalekuka dinamlulume, Yesus arye elti, diba tenelamik ninye ati nyabuk.

Aninguk tenebuka, kum unamlum bukni, weik mambul ning ara, Allah arye ‘Wininamake,’ tenesilye touk, diksukum una ap, lyepsilirye, nun kanye talima talibuka unamsil ning ap, aninguk minopce tenepmunyopura, pia moubuka talipmunyopura, yuk yala ning nirya babye, elcuk arenamsile.

Nyabukopura, awekuka kekenmek nang nirya ati ayupu nyabuk. “Anggun nirya, anggunce anggunti, ilil una ap, anun una ap, upsilya ati, kanye talima kalekuka dildanamlulume. Ninye kam una ap, ninye teleb una ati, mambul ning ap ara, aning-aning bona talinanye kina deice arye teleb kum updeipsute.” Yesus arye nyabuk.

Ara talya ati kum nyapsine. Anggunce, ‘Mambul’ tenen, kanye delinamlumak ara anggun bona, dina anirya asukumuk unamle. Yesus arye nyabuk.

Anggun awekmalum nang noutamak yatanye birye, el kanye imun uptu deice arye, liki tonok talak tonap kam uptu do? Ara kum winipmanto.

Yesus arye ayupu ton nyabuk. Anggun unamlum ning nirya ati, ‘Se yata wiripnuyap do?’ tenen, kanye imun una kume. Anggun din ning ap, ongon baju ap ara, mitik mambul bukni, anggun nong ap, kam una ap ara, weik mambul anya arye, Allah arye anggun patapsilye ning ati melinamsile. Aning ati ara, ‘Se, nun yata mek ap, yata din ning ap, dinamap do? Nun ongon baju, yataton cang baju, el si juba ongopnamap do?’ tenen, kanye imun kum unamsile.

Kukalima maka ara, weik uptu ura, mambul pia kume. Bukni, ninye nirya yuk-yuk ara, weik mambul anya arye, Allah bicoe tenepsukce, ‘Na’ tenen, anggun gisok potong nirya babye, akunum nukuka kel biksuke. Aning ati ara, ilil una kume. Anggun patapsilye ning nirya ara Allah arye kum luba kinamsile,” Yesus arye nyabuk. Nyabukura, ayupu ton nyabuk.

Aning ati ara, na mapu, Allah arye kanye akunum deipsuk ati, el lyesilirye, kanye talima talinamsil ning ap, el pil donamlum ning ap, anggun patapsilye ning ap, dipkoprop elce arenamsil anya arye, anggun kanye imun una ap, ilil una ap meme.

Sik maka unyaka nirya ara, tenenamlulume. Maka ara yala kouna ap, nong lina ap, din ning deilinak ‘Na’ tenen, delina ap, pia kum unyak bukni, sik ni Allah arye amaka sik din ning tuba arilibuk, dinyake. Maka ara, mitik mambul bukni, ninye nirya ara weik mambul anya arye, Allah arye anggun patapsilye ning nirya ati melinamsile.

Allah arye dipkoprop melinamsila anya arye, anggun unamlum ning ati, ‘Se’ tenemunce, ‘Nunda, yata ning ap, mek ap, dinamap do?’ tenen, kanye imun kum unamsile. Anggun talima ap, kanye ap, aning talye-talye ning deice kum delinamlulume.

Mutmuta noutamak talye ulul kurun ning ara, arup arye kita popmalya ani, ambusum ara keting deiplirye, kuluplyeura, uku dongonyak bukni, Allah arye urasin pia teleb ubuka kwelilule. Aning ara, mambul kum bukni, anggunda weik mambul anya arye, Allah arye anggun baju patapsilyopura, arenamsile. Bukni, anggunda Allah ati, weik arye dib kum tenelulume. Anggunda, ‘Nun patapsilye ning Allah arye arenamsile,’ tenelalum ning ara, mitikuk usulule.

Ayupu ton nyabuk. “Ninye nirya, ‘Yuk nang arye kel biksicak’ tenen, talima noutam tenebuka duknulamak ning nirya ara, Allah arye lak kipdeipnamle. Lak noutam arye laka nyanamle.