Beliebte Verse in Génesis 7

Teilen

Li Muc'ul Diose ts'acal jech laj yalbe li Noee: “Ochanic ta barco acotolic achi'uc avajnil anich'nab, yu'un vo'ot no'ox atuc laj apas c'usi ta jc'an ta scotol li cristianoetic li' ta orae.

Yu'un li banamile nojem ta vo' lajuneb xvaxacvinic (150) c'ac'al.

Ja' ta svuclajunebal (17) c'ac'al yochel li xchibal ue, vaquib xa'ox ciento (600) jabil yich'oj li Noee. C'alal ja'o jech c'ac'ale, lic t'omanuc loq'uel tal vo'etic ta banamil xchi'uc ta yut nabetic. Xchi'uc ijam li vinajele, jech pulbil no'ox iyal tal li vo' ta vinajele.

Ja' xa no'ox cuxul icom li Noee xchi'uc scotol ti c'u yepal oyic ta barcoe. Li yantique ichamic o scotolic: ja' li cristianoetique, li chonbolometic ti stac' ts'unele, li mutetic xviletique, xchi'uc li chonetic ti xquilet ta banamil xanovique.

Cha'vinic (40) c'ac'al xchi'uc cha'vinic (40) ac'ubal xlomet no'ox li vo'e.