Beliebte Verse in Marcos 6

Teilen

Mang na ntek enenlhet apkelketansema Jesús m'a, mamma lhnak apkeliamposammakpelha la m'a. Apkenmahai'ak nak niekhe eltavokhak ma'a, lhna ngkanek aptemo lhnak Jesús ma'a: —Nok akieto metkelha temma kakpota angeliamposalhkak ma'a —lhna aptemak.

ka aptemo lhnak Jesús apkellanemo m'a: —Lhema apkeltennasemmap ania'a la'a ngkolhek ak'o lhamakho iokhalhma, koka mangkolhek ak'o akieto la apvanekanlha kakpota nhan apaivoma lhema la'a —lhna aptemak.

Ka apteiapveiakmo lhnak Jesús loma nemmen, apvet'o lhnak apentalhnema enenlhet, apkelietnai'avek nak napaqta'a lhna songkek enenlhet malha nepkesek metka allanekama. Ka apketlhekmoskamo lhnak lhamakho aktemakha qaselha aktaqmanma.

Mang nak elanai'ak qaselha hempelapkeskama m'a, vanlha lhnak apnengkanmo apmeiok takhaplhet'ok moklhem'a anmaska apiempeiok la'a, ka apkeltaqmelkeskaiakmo lhnak na m'a. Niemaskangkek nak apvalhok Jesús, lhna songkek apkeliaskeiakmo enenlhet ma'a. Nkatepelha' natemma lhnak aplomaka mota Jesús ma'a apketlhekmoskamo enenlhet'avok ma'a.

Netamen apkenmamo lhnak Jesús 5 pan kakpota nhan hanet kelasma, apkammelhmo lhnak neten, aptemo lhnak na gracias Eniapom Neten ma'a. Netamen apkeliaptemo lhnak pan Jesús kakpota nhan kelasma, apkellaiangko lhnak apkeltamesaikamok kakpota ennaskangkok ma'a. Aptoiangkek nak ma'a akvakmo apkeliaqkanakmo. Ka apkeliakhekho lhnak 12 iama posak apkelaimommap pan kanhan kelasma