Beliebte Verse in João 6

Teilen

Jesus foo hatene ba sira dehan, “Hau mak Paun nee. Tan Hau mak lori moris nebee loloos. Nunee ema nebee sai Hau nia ema, sei la hamlaha tan. I ema nebee fiar mai Hau, sei la hamrook tan.

Maromak nia Espiritu mak lori moris loloos. Laos ema nia isin mak lori moris loloos. Maibee Hau nia Liafuan mai hosi Maromak nia Espiritu. Nunee Liafuan sira nee mos lori moris loloos ba ema.

Rona didiak! La bele serbisu deit hodi hetan hahaan nebee la kleur aat tiha. Diak liu imi serbisu hodi hetan hahaan nebee la iha rohan, nebee lori moris rohan laek. Tanba Hau, Ema Oan. Hau mak bele foo moris nee ba imi. Tanba Aman iha lalehan mak foo direitu nee mai Hau.”

Hanesan ohin Hau dehan ona, Hau nia Aman hakarak para ema hotu konhese no fiar mai Hau, Nia Oan, para sira bele hetan moris rohan laek. I bainhira mundu nee remata, Hau sei halo sira moris fali.”

Jesus foo hatene dehan, “Maromak nia serbisu mak nee: imi tenki fiar ba Hau, tan Nai Maromak mak haruka Hau mai.”

Afinal ema hotu nebee Hau nia Aman hili ona para sai Hau nia ema, sira sei mai ba Hau. I ema nebee mai iha Hau, Hau la duni nia sai.

Maibee Simão Pedro hataan, “Senhor! Ami atu baa tan iha see? La iha ema seluk mak bele foo hatene mai ami oinsaa ami bele hetan moris rohan laek nee. So Ita Boot mesak deit!

Hau mak Paun nebee lori moris, nebee tuun mai hosi lalehan. Bainhira Hau mate, Hau entrega Hau nia isin para ema hotu iha mundu nee bele moris. I ema nebee haan Paun nee, sira hetan moris rohan laek.”

Hau nia Aman iha lalehan mak haruka Hau mai iha nee. La iha ema ida mak bele mai iha Hau, se Hau nia Aman la lori nia mai. I bainhira mundu nee remata, Hau sei halo sira moris fali.

Tan Paun hosi Maromak nee, mak Ida nebee tuun hosi lalehan no lori moris ba ema iha mundu nee.”

Tan Hau mak Paun nebee lori moris.

Tuir mai, Jesus foti paun sira nee, Nia agradese ba Maromak. Depois Nia fahe ba Nia eskolante sira, i sira hodi baa fahe ba ema barak nee. Nia halo nunee mos ho ikan sira nee. Ema hotu haan too bosu. Bainhira sira haan hotu ona, Jesus haruka Nia eskolante sira dehan, “Halibur hahaan restu sira nee, para la bele soe estraga.”

Bainhira Jesus nia eskolante sira hean ona bero mais-ou-menus kilometru lima, sira haree Jesus lao iha bee leten. Nia mai besik sira nia bero, i sira tauk teb-tebes. Maibee Jesus foo hatene, “Keta tauk! Nee Hau.”