Beliebte Verse in Apostolu sira nia Istoria 1

Teilen

Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

Jesus hataan, “Kona ba tempu ho loron nee, so Hau nia Aman deit mak iha direitu hodi desidi tuir Nia knaar. Imi la presiza hatene.

Iha loron ida, Jesus haan hamutuk ho Nia apostolu sira, Nia foo orden ba sira dehan, “Keta husik lai Jerusalém. Imi tenki hein iha nee too Hau nia Aman foo Nia Espiritu Santu ba imi, tuir Nia promete ona, i tuir imi mos rona ona hosi Hau. Uluk João sarani imi ho bee, maibee iha loron hira tan, Nai Maromak sei foo Nia Espiritu Santu hodi domina imi.”

Hau Lucas, hatoo hau nia respeitu ba senhor Teófilo. Iha hau nia livru dahuluk, hau hakerek ona kona ba buat hotu-hotu nebee Nai Jesus halo ona, ho buat hotu-hotu nebee mak Nai Jesus hanorin ona, komesa hosi Nia hahuu Nia serbisu too Nia sae fila fali ba lalehan. Maski ema oho tiha ona Nia , maibee Nai Maromak halo Nia moris fila fali. Depois Jesus hatudu Aan ba Nia apostolu sira fila-fila durante loron haat-nulu, hodi hatudu loloos katak Nia moris fali duni. Nia mos foo hatene ba sira kona ba Nai Maromak nia reinu. I apostolu sira nebee Nia hili ona nee, Nia foo instrusaun ba sira ho Espiritu Santu nia poder.

Jesus koalia tiha hotu, Maromak foti Nia sae ba lalehan iha sira nia oin. La kleur kalohan taka tiha Nia, i sira la haree tan Nia ona.

Sira sei hateke nafatin ba leten, derepenti ema nain rua hatais hena mutin hamriik hela iha sira nia sorin. Ema nain rua nee dehan, “Ema Galileia sira, nusaa mak imi hateke nafatin ba lalehan? Ohin imi haree Jesus sae ba lalehan husik hela imi, aban-bainrua Nia sei fila fali mai hosi lalehan hanesan mos imi foin haree.”