Beliebte Verse in ಮತ್ತಾಯ್ 6

Teilen

ಮನ್ಹುನ್ ತುಮಿ ದೇವಾಚಾ ರಾಜಾಸಾಟಿ ಆನಿ ತೆಚಾ ಮನಾ ಶಾರ್ಕಿ ಕಾಮ ಕರಾಯಾ ಖುಬ್ ಖಟ್ ಪಟ್ ಕರಾ ತವಾ ತುಮಾನಾ ಹ್ಯ ಸಗ್ಳ ದೇನಾರ್

ಮನ್ಹುನ್ ಸಖಾಳ್ಚೆ ಸಾಟಿ ಕ್ಯಾಳ್ಜಿ ಕರು ನಕೊಸಾ ಪರತೇಕ್ ದೀಸ್ ಆಪ್ಲ ತ್ಯಸ್ ತರಾಸ್ ಗೆತಲ್ಯಾತ. ಸಕ್ಕಾಳಚಾ಼ ದೀಸ್ ಬೀ ಆಪ್ಲಿ ತೀಸ್ ಕ್ಯಾಳ್ಜಿ ಗಿಹುನ್ ರಾಥೊ.

ತಸ ಮನ್ಹುನ್ ತುಮ್ಚಾ ಜೀವಾಲಾ ಪಾಯ್ಜೆ ತ್ಯಾ ಖಾನ್ಯಾ ಪಿನ್ಯಾಚಿ ಆಂಗಾಲಾ ವ್ಹಯಿಜಾ಼ಲ್ಯಾಲ್ಯಾ ಕಪ್‌ಡ್ಯಾಂಚೆ ಸಾಟಿ ತುಮಿ ಕ್ಯಾಳ್ಜಿ ಕರುನಕೊಸಾ ಜೀವ್ ಆನಾಪಕ್ಶಿ ಆಂಗ್ ಕಪ್‍ಡ್ಯಾಪಕ್ಶಿ ಖುಗ್ ಅವಶ ಮನ್ಹುನ್ ಮಿ ತುಮಾನಾ ಸಾಂಗ್ತೊ.

ತುಮಿ ಮಾಗ್ನ ಕರ್ತಾನಾ, ತುಮ್ಚಾ ಸೊಪ್ಯಾತ್ ದಾರ್ ಗಾಲುನ್ ತುಮಾನಾ ದಿಸ ನಸ್ನಾರ‍್ಯಾ ತುಮ್ಚಾ ಬಾಪ ಮಾಗ್ನ ಕರಾ. ಗಪ್ಚಿಪ್ ಚಾ಼ಲತ್ಯಾಲಿ ಕಾಮ ಬಗ್‌ತ್ಯಾಲಾ ತುಮಚಾ಼ ಬಾ ತುಮಾನಾ ಪ್ರತಿ ಫಳ್ ದೇನಾರ್.

ಮನ್ಹುನ್ ತುಮಿ ಮಾಗ್ನ ಕರ್ತಾನಾ: ‘ಸ್ವರ್ಗಾತ್‌ಲ್ಯಾ ಆಮ್ಚಾ ಬಾ ದೆವಾ, ತುಜ಼ ಪವಿತ್ರ ನಾವ್ ವವ್ಯಾಳುಂತ. ತುಜ಼ ರಾಜ ಯವುನಿ. ತುಜಾ ಮನಾಚೆಗತ್ ಸ್ವರ್ಗಾತ್ ಜಾ಼ಲ್ಯಾ ಶಾರ್ಕ ದರ್ಥಿವ ಬಿ ವ್ಹವುನಿ.

ಆಮ್‌ಚ಼ ಖಾಯಿಮಚ಼ ಜೆವಾನ್ ಹ್ಯಾ ಯಳಾಲಾ ಆಮಾನಾ ದೆ.

ಆಮಾನಾ ಚು಼ಕ್‍ ಕೆಲ್ಯಾಲ್ಯಾನಾ ಆಮಿ ಮಾಪ್‍ ಕೆಲ್ಯಾ ಶಾರ್ಕಿ ಆಮ್ಚಿ ಪಾಪ ಮಾಪ್ ಕರ್.

ಆಮಾನಾ ಪರಿಕ್ಶೆತ್ ಗಾಲಾಚೆ ಆಂದಿ ನಾಸ್ ಕರ್ತ್ಯಾಲ್ಯಾ ಸೈತಾನಾಪ್ನಿ ಆಮಾನಾ ರ‍್ಯಾಕ್.

ವ್ಹಯ್, ದುಸ್‌ರ‍್ಯಾಂಚಾನಿ ತುಮಾನಾ ಕೆಲ್ಯಾಲಿ ಚು಼ಕ್ ತುಮಿ ಮಾಪ್ ಕೆಲ್ಯಾವ, ಪರಲೊಕಾತ್ಲಾ ದೆವ್ ತುಮ್ಚಾ ಚು಼ಕಿ ಮಾಪ್ ಕರ್ನಾರ್.

ಪಾಖ್ರಾನಾ ಬಗಾ ತಿ ಪಿರಿತ್ ನಾಹಿತ ಕಾಪಿತ್ ನಾಹಿತ ಕಳಂಜಾ಼ತ್ನಿ ಬರುನ್ ಥಿವಿತ್ ನಾಹಿತ ಫನ್ ಪರಲೊಕಾತ್ಲಾ ದೆವ್ ತ್ಯನಾ ಖಾಯಾ ದೇತೊ. ತುಮಿ ತ್ಯಾ ಪಾಕ್ರಾಂಚಿವ್ನಿ ಖುಬ್ ಕಿಮ್ತಿಚಿ ಹಾಸಾ ಮನ್ಹುನ್ ತುಮಾನಾ ಠಾವ ನಾಹಿ ಕ್ಯಾ?

ತುಮ್ಚೆ ಸಾಟಿ ಹೆ ದರ್ಥಿವ ಆಸ್ಥಿ ಗೊಳಾ ಕರುನ್ ಥಿವು ನಕೊಸಾ ತಿ ಕಿರ್ವಿ ಲಾಗುನ್ ಬಾದ್ ವ್ಹತಿ ಚ್ವಾ಼ರ್ ತುಮ್ಚ ಘರ್ ಫುಡುನ್ ತುಮ್ಚಿಪ ಆಸ್‍ಲ್ಯಾಲ ಚೊರ್ನಾರ್. ಫನ್ ತುಮ್ಚಿ ಆಸ್ಥಿ ಸ್ವರ್ಗಾತ್ ಕರುನ್ ಥೆವಾ ತಿಥ ತ್ಯನಾ ಕಿರ್ವಿ ಲಾಗುನ್ ಹಾಳ್ ವ್ಹಯಿತ್ ನಾಹಿ ಟ್ಯಾಂಬ್ರ ಲಾಗತ್ ನಾಹಿ ಚ್ವಾ಼ರ್ ಘರ್ ಫುಡಿತ್ ನಾಹಿತ. ಕುಠ ತುಮಚ಼ ಧನ್ ತಿಥ ತುಮಚ಼ ಮನ್ ಹಾ..

ಕುನಾಲಾ ದೊಗಾ ದನ್ಯಾಂಚಿ ಯಂಗದಾಸ್ ಚಾ಼ಕ್ರಿ ಕರಾಯಾ ವ್ಹಯಿತ್ ನಾಹಿ. ತ್ಯೊ ಎಕಾ ದನ್ಯಾಚಾ಼ ರಾಗ್ ಕರುನ್ ಆನಿ ಯಕಾಚಿ ಮಾಯಾ ಕರ್ತೊ ಮನ್ಹುನ್ ಯಕಾ ದನ್ಯಾಚೆ ಮಾಗ್ನಿ ಜಾ಼ವುನ್ ಆನಿ ಯಕ್‌ಲ್ಯಾಲಾ ನಕ್ವಾಟ್ ಕರ್ತೊ ತಸಸ್ ತು ದೇವಾಚಿ ಆನಿ ಪೈಶಾಂಚಿ ಯಂಗದಾಸ್ ಮಾಯಾ ಕರಾಯಾ ವ್ಹಯಿತ್ನಾಹಿ.

ರಾನಾತ್ಲ ಫುಲ್ ಆಜ಼್ ರಾಹುನ್ ಸಕಾಳ್ ಇಸ್‍ಥ್ಯಾತ್ ಗ್ಯಾಲ್ನಾರ್ ತ್ಯಲಾ ಯವ್ಡ ಗ್ಯಾತಲ್ಯಾವ ದೇವ್ ತುಮಾನಾ ತ್ಯಂಚಿವ್ನಿ ಆಗಾವ್ ಗಾಲನಾರ್ ಮನ್ಹುನ್ ತುಮಾನಾ ಠಾವ ಹಾ. ಇಸ್ವಾಸ್ ನಸ್‍ಲ್ಯಾಚೆಗತ್ ರಾಹು ನಕೊಸಾ!

ಫನ್ ತುಮಿ ಗರಿಬ್ ಲೊಕಾನಾ ದೇತಾನಾ. ಉಜ಼್ ವ್ಯಾ ಹಾತಾನಿ ದಿಲ್ಯಾಲ ಡಾವ್ಯಾ ಹಾತಾಲಾಬಿ ಸಮಜು಼ ನಾಹಿ. ತುಮಿ ದಾನ್ ಕರ್ತಾನಾ ಗಪ್ಚಿಪ್ ಕರಾ. ಗಪ್ಚಿಪ್ ಕರ್ತ್ಯಾಲಿ ಕಾಮ ಬಗ್‌ತ್ಯಾಲಾ ತುಮಚಾ಼ ಬಾ ತುಮಾನಾ ಪ್ರತಿ ಫಳ ದಿಯಿಲ್.

“ಹುಶಾರ್! ರಾವ್ಹಾ ತುಮಿ ಚಾ಼ಂಗ್ಲಿ ಕಾಮ ಲೊಕಾಂಚೆ ಮೊರ‍್ಹ ಕರು ನಕೊಸಾ. ಲೊಕ ಬಗುಂಥ ಮನ್ಹುನ್ ತುಮಿ ತಿ ಕೆಲ್ಯಾವ ಸ್ವರ್ಗಾತ್ ಆಸ್‍ಲ್ಯಾಲ್ಯಾ ತುಮ್ಚಾ ಬಾಪ್ನಿ ಪ್ರತಿ ಫಳ್ ಗಾವ್ನಾರ್ ನಾಹಿ.

“ತುಮಿ ಉಪಾಸ್ ಕರ್ತಾನಾ ತುಮಚ಼ ತ್ವಾಂಡ್ ಬಾವು ನಾಹಿ. ಕಪಟಿ ತಸಸ್ ಕರ್ತ್ಯಾತ ಫನ್ ತುಮಿ ಕಪಟಿಂಚೆಗತ್ ರಾಹು ನಕೊಸಾ. ಆಪ್ನು ಉಪಾಸ್ ಕರ್ತ್ಯಾಲ ಮನ್ಹುನ್ ಲೊಕಾನಾ ದಾವಾಯಾ ತೆ ಅಪ್ಲಿ ತೊಂಡ ಬಾವ್‌ಲ್ಯಾಚೆಗತ್ ಆಸ್‌ಥ್ಯಾತ. ತೆ ಕಪಟಿ ಆಪ್‌ಲ್ಯಾಲಾ ಯಯಾ ಪಾಯ್ಜೆ ತ್ಯ ಪ್ರತಿ ಫಳ್ ಸಗ್ಳ ಗಾವ್ಲ ಮನ್ಹುನ್ ಮಿ ತುಮಾನಾ ಖರ‍್ಯಾನಿ ಸಾಂಗ್ತೊ. ಮನ್ಹುನ್ ತುಮಿ ಉಪಾಸ್ ಕರ್ತಾನಾ ತ್ವಾಂಡ್ ದುಹ್ಯಾವ್ಹಯಿ ಆನಿ ಡುಯಿಲಾ ತ್ಯಾಲ್ ಲಾವಾ. ತವಾ ತುಮಿ ಉಪಾಸ್ ಕರ್ತ್ಯಾಸಾ ಮನ್ಹುನ್ ಲೊಕಾನಾ ಠಾವ ವ್ಹಯಿತ್ ನಾಹಿ. ಫನ್ ತುಮಾನಾ ದಿಸ ನಸ್ನಾರಾ ತುಮ್ಚಾ ಬಾ ತುಮಾನಾ ಬಗ್ನಾರ್. ಗಪ್ಚಿಪ್ ಚಾ಼ಲ್ನಾರ‍್ಯಾ ಗುಶ್ಟಿ ಬಗ್ನಾರಾ ತುಮ್‍ಚಾ಼ ಬಾಸ್ ತುಮಾನಾ ಪ್ರತಿ ಫಳ್ ದೇನಾರ್.