Beliebte Verse in BOTHUBO 17

Teilen

Kughou Abram no ampe lhotoku toku shi akeno AMPEU no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo

O je ye Abram ipi kumoae, ikemu Abraham shiniae, kughengu I no o pesü aqokitikhi shiyeqo papu shive tsüae.

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

“Julo, Iw puloshoqhi ye o gholo anie, eno no ye aqokitikhi shiyeqo papu shi nani.

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

Tileno Abraham no pa gi pishiqhope nuuve no pa likhi pa pütsa ghi pi, “Ampe aqhe shive kemi lau anu punulu nani keshea? Ampe lhotoku shive keu Sarah huye anu mishilu nani keshea?”

Alhou no Abraham vilo pi, “O nipu Sarai ghenguno, no ye li pesü Sarai ipi moae, ikemu li je ye Sarah ipi kuniae.

Aphighü lo ayiko azüu akeu ghaveni, eno tino Nikujo dolo puloshoqhi michipu shinie.

Ikemu I no Isaac, khuu Sarah no tokuu hipa ghuloki lono o lau punutsü nani keno, pa sasü Iw puloshoqhi shi nani.”

Nongu dolo kiptimi khukhumu punuwo atsala tache shive keu ye aphighüyiko ghaveni. Tiqheli kupuju lo o ki lono punu keu shi aghina, o tikughukomi kumo namu inaghami ow pisa no qhüluve kemi pinamu, khuu o ki lono punu momu ow pisa no qhülu keno kümtsü mtsüqheino aphighüyiko ghave tsüni. Tishianguno Iw puloshoqhi ye shekhaha puloshoqhi shi o philo ananike.