Beliebte Verse in ယောဟန် 16

Teilen

နင်ရို့ ငါ့ကနီရို့ ငြိမ်းချမ်းခြင်းကို ရကတ်ပတ်စီအတွက် ငါ ဒေ စကားတိကို နင်ရို့ဘားမာ ပြောပြစာ ဖြစ်တေ။ နင်ရို့ ဒေ လောကမာ စိတ်ဒုက္ခ ရကတ်လိမည်၊ ယေကေလည်း နင်ရို့ မကြောက်ကတ်ကေ့။ ငါစာ ဒေ လောက၏ တန်ခိုးကို အနိုင်ယူပြီးဗျာ။”

ယေကေလည်း ထိုမှန်ကန်ခြင်းနပြည့်စုံစာ ဝိညာဉ်တော် ရောက်လာရေခါ နင်ရို့ဘားမာ ဟိသမျ မှန်ကန်ခြင်း အကြောင်းကို ပြောပြလိမည်။ သူစာ ကိုယ့်အလိုအတိုင်း တစ်ခုလည်း ပြောလိမည် မဟုတ်၊ ယေကေလည်း သူစာ ထာဝရဘုရားက ကြားစာတိကို နင်ရို့ဘားမာ ပြောပြလိမည်။ အရာ နောက်အနာဂါတ်မာ ဖြစ်ပျက်လာဖို့စာ အကြောင်းတိကိုလည်း နင်ရို့ဘားမာ ပြောပြလိမည်။

နင်ရို့ ဒေဂု တိုင်အောင်ပင် ငါ့နာမည်န တစ်ခုလည်း မတောင်းကတ်သိ။ နင်ရို့ တောင်းကတ်၊ တောင်းရေဆိုကေ ရကတ်လိမည်။ ယင်းခါ နင်ရို့ စိတ်နှလုံးမာ ပျော်ပါးခြင်းန ပြည့်စုံလိမည်။

ယေကေလည်း ငါ နင်ရို့ကို အမှန် ပြောရေ၊ ငါ လားရေဆိုကေ နင်ရို့အတွက် ကောင်းဖို့။ ငါ မလားဆိုကေ နင်ရို့တို့ ကူညီသူ ရောက်လာလိမည် မဟုတ်။ ယေကေလည်း ငါ လားရေဆိုကေ ကူညီသူကို ငါ နင်ရို့တို့ ရွှတ်လိုက်ဖို့။ “ထိုကူညီသူ ရောက်လာရေခါ အပြစ် အကြောင်းကို လောကသားရို့ဘားမာ ဖေါ်ပြလိမည်၊ ထာဝရဘုရား၏ ကောင်းမြတ်စာ အလုပ်အကြောင်းကို ဖေါ်ပြလိမည် အရာ တရားစစ်ဆေးခြင်း အကြောင်းကိုလည်း ဖေါ်ပြလိမည်။

ယင်းပိုင်တထန် ဒေဂု နင်ရို့လည်း စိတ်ဒုက္ခ ရနီကတ်တေ၊ ယေကေလည်း ငါ အရာတစ်ပြန် နင်ရို့န တွိရေခါ နင်ရို့ ကောင်းကောင်း ပျော်ကတ်လိမည်။ ထိုပျော်ပါးခြင်းကို တစ်ယောက်လည်း နင်ရို့က လုယူနိုင်လိမည် မဟုတ်။ ယင်းအချိန်ခါ နင်ရို့ ငါ့ကို တစ်ခုလည်း မီးကတ်လိမည် မဟုတ်။ ငါ နင်ရို့ကို အမှန် ပြောရေ၊ နင်ရို့ ငါ့နာမည်န တောင်းစာ အားကုံးကို အဖ နင်ရို့ကို ပီးလိမည်။

ငါ နင်ရို့ကို အမှန် ပြောရေ၊ နင်ရို့ ကောင်းကောင်း ဝမ်းနည်းရို့ ငိုကတ်လိမည်၊ ယေကေလည်း လောကသားရို့ ပျော်ကတ်လိမည်။ ပထမခါ နင်ရို့ စိတ်ဒုက္ခ ရကတ်လိမည်၊ ယေကေလည်း တစ်နားသျှေနီပြီးရေခါ ထိုစိတ်ဒုက္ခစာ ဝမ်းသာခြင်း ဖြစ်လိမည်။