Beliebte Verse in Yṳ̂ha 4

Teilen

Cǒmara mî̌ sû̌sò̌ yôla dě kòyò dǒ a cabahtò̌ lû̌û tokhlǒnu, a tôbǎ cabahtò̌ pô̤̌ Yôla Plò̌shǐ Běcǎ nè̌klè̌nè̌klò a dǒ ta̤tě̤ta̤mè̤̌ akûnu.”

Bǎbǎkǎlè kòyò dǒ a caba shapwǎ̤ pha Cǒmara tokhlǒnu, shěkhǎ dǒ asî gǔ caba dǒsû̌dǒsò̌ kû̌ ta̤tě̤ta̤mè̤̌nu, a gǔ hètǒ̤ pě. A hètǒ̤ khònò̤̌ hǒ. Ma̤titèhî̌dě pha Cǒmara kè̌shuǐ kòyò dǒ a cabahtò̌ lû̌û pô̤̌nu tokhlǒ hǒ.

Bǎbǎkǎlè kòyò dǒ a ôshi dǒ he dǐô a pě nu, a sǎô pe shi tôkhò̌꤮ tô̤̌. Shi dǒ he gǔ dǐô a pě nu, a gǔ htûhtò̌ shipǒ̤htò̌ dǒ akû pě. Dě a gǔ ǐ lû̌û yôla htûpwa̤ tûjû̌pwa̤ talakhǎ pě.”

Yeshǔ hî̌shěshu lû̌û kû̌, “Na kè̌ sî̌ganǎ̤ Cǒmara a ta̤ǐkwe sû htodě pwa̤ dǒ a kwiô nashi nutôpwa̤ mî̌ mò̌pènu na kè̌ sî̌ganǎ̤ phlô hî̌mî̌, na gǔ kwiô he shi pě dě he gǔ dǐô̌ na shi dǒ a ǐ kòyò yôla htûpwa̤ nupě.”

Yeshǔ hî̌ asî kû̌, “He ma̤ta̤numî̌ hema̤tô pwǎ kòyò dǒ a nohè he nutôpwa̤ a ta̤sǎyṳ dě he ma̤hto ata̤ma̤ dǒ a ǐ he numî̌ amè̤̌ he shǎǎ hǒ.

Pwa̤mǒ̤ nutôpwa̤ hî̌shěshu lû̌û kû̌, “Sara꤮ na cû̌ dò̌htò̌ jò shi dǒ a ǐ kòyò ta̤htûpwa̤nu bǎtè pě? Na shipû̌ mî̌ a ô̌ tô̤̌tô̤̌, shiû̌ hǒtôû̌ nî̌ a yô̤̌꤮ lîlè.

A hî̌shěshu Yeshǔ kû̌, “He sî̌ganǎ̤ kû̌ Me̤shǐya (dǒ kòyò kaǎ ami̤ kû̌ khrǐnu) gǔ hè pě, dě bǎ a hètǒ̤ pě akhanu, a gǔ hè shôbǐǐ bǎ pa ta̤lǒ̤bò pě, a hî̌ pô̤̌nu.” Yeshǔ hî̌shěshu a kû̌, “Kòyò dǒ a hî̌bǎ kû̌ na khònò̤̌ tôpwa̤ numî̌ a nutôpwa̤ hǒ.”

“Hè kè̌ lô̌khô mò̌ kû̌ he kòyò tôpwa̤ tǎ! A hî̌pô̤ lǒ̤bò he ma̤hto nutokhlǒ hǒ. A mî̌ Khrǐ pwǎkǎ?”