Beliebte Verse in Yṳ̂ha 12

Teilen

Mòpèpè̌꤮ bǎbǎ dǒ a ma̤ he ta̤ma̤nu, a bǎgû̌ kû̌ hekò. Kè̌hî̌dě, he ô̌bǎtè tûkû bǎbǎ, a gǔ ô̌cu bǎnu pě. Hepha gǔ bè̌dû̌bè̌htò̌yô̤̌ kòyò dǒ a ma̤ he ta̤ma̤ nutôpwa̤ pě.

Kòyò dǒ a mô̤ǐ tûû̌ a ta̤htûpwa̤ dǒ hǎkhû̌ tôpwa̤pwa̤nu, a nǐ̤bǎ yôla htûpwa̤ tûjû̌pwa̤ tô̤̌. Bǎbǎkǎlè kòyò dǒ a kè̌ sǎleǐ tûû̌ a ta̤htûpwa̤ dǒ hǎkhû̌ tô̤̌ tôpwa̤pwa̤nu, a gǔ nǐ̤bǎ yôla htûpwa̤ tûjû̌pwa̤ pě.

He hî̌cǒcǒ sî, bǔjû̌ tôphlǒnu, kòyò kè̌ shǒǎlò̤ lû̌û dǒ hǎkhû̌ tô̤̌ hî̌nu, a phǎhtò̌ a sǎhtò̌ jòtô̤̌. Bǎbǎkǎlè kòyò kè̌ lǔlò̤ lû̌û hî̌nu, a gǔ phǎhtò̌ sǎhtò̌ dû̌wî̤ pě.

Pô̤̌khô kòyò lǒ̤bò dǒ a yṳ̌ǎ he tokhlǒ gǔ ô̌pe dǒ ta̤khǐkla tô̤̌nu, he hè lîrakhahtò̌ pô̤̌ ta̤lî tômè dǒ hǎkhû̌ nuhǒ.

“Kòyò tôpwa̤pwa̤ kè̌ ganǎ̤de helě̤heyô̤̌ dě a yṳ̌ǎtô̤̌ hî̌nu, he cî̌htò̌ lû̌û tô̤̌. Ma̤titèhî̌dě, he hèlò̤ dǒ hǎkhû̌ numî̌, he gǔ hè cî̌htò̌ kòyò ayanu mè̤̌tô̤̌, he gǔ hè ma̤hǎplǎge kòyò ayapwǎ.

Bǎnuakha Mǒ̤ma̤rǐ phî̌hènǐ̤ shinumû̌ cè̌cè̌ dǒ kòyò kaǎ kû̌ Na̤dǔ nutôpò̤̌. Shinumû̌ numî̌ apwî̤dû̌ shû̌lě dě a phǔ lò̤jwè̌ tôjî̌ gûlǎ̤. A hè lò̌lò̤ dǒ Běcǎ Yeshǔ khǎlǎlô̤ dě a htǔsûkè kû̌ akhǔlṳ. Shinumû̌nu, a numû̌ cû̌ bòkè hǐ tômè.

Pô̤̌nudě a pṳ̂̌mě lô̌khô nò̌dûlǎ tokhlǒ dě a hǎhtò̌cû̌ kè̌shuǐ lû̌û, dě a kaǎgǔ lô̌khô kû̌, “Htû̌sò̌htò̌ lô̌khô Cǒmara!” “Cǒmara gǔ ǐshowî̤ a dǒ a hè kû̌ Běcǎ ami̤ nutôpwa̤!” “Cǒmara ǐshowî̤ Isôrěla akhwǐ côphǎ nutôpwa̤ nî̌”

Dě Běcǎ Yeshǔ hî̌ kû̌, “Shěkhǎ hètǒ̤ dǒ kòyòphû̌khû gǔ nǐ̤bǎ ta̤sîrîdû̌ sîrîhtû hǒ.