Beliebte Verse in Luku 12

Teilen

O toraina va tana ghu leleghu fafata, vununa ia Tuuna Noni, e la meha ka ia fafata taka va ghunaghunai ghu agho.”

Manei e age vanamu ira leghu ta malanga ghidi nga ghau leleghu ravata, noto nai kenui la ka ira hihingomu ia Ravutu Ka God.

Ke kahe ghua tuna iahi neke ghua manei, “!O au banabana! Oka ngagungagu ghidi ghu ira heve taka kuru ghau ghu. Ia torai dolina ia noni mu, eka leleghu ghu, ka ira ta taghori ghita.”

Hae ta auna ira nomu bokaboka, aianimu ta auna molamo ira hihingomu, nia nganganamu ghau.

?Heve, e boka mo ira leghu hangapuaha nga ka agho, take va sodu laoina ia doli ka agho? E toraina deo hohoghona!

Ianimu tuna ghe neke fihiki lao nga ka ira nona mane ta nonofoi, neke kahe ghua ghu iahi Zisas, “A va kahe ghini ghau ghu ara, oka hangapuaha ghini ghu ia doli malamu leleghu ravata ghinina heve ghano ta age mahainina, nia heve poko ta age va vonaina.

Geta ghua kalau haro nira ka pauu nia ghe, to taho va hokotori haro God. Oka maughemu la ghu; ghau mu tongovona fuludu laoni ka God, fuludurira ira tehi rio.

“Oka maughemu la ghu, ghau ira taghe kaike rekahana pukuna sipisipi ira ta ghua, vununa nomu Mama ne puina veha vanani ta vanamuna ia ravutu.

O ke matori ko ira aoao. Maneri e deo gedi hagalai rivai nunuma ghu, haharui ghu, nia papasai ghano ghu e ghua ka ira suga mala nanakai, vununa God ne valiharira. !Ghe ghau mo mu ta tongovona fuluduna ka manei fuludurira ira leghu memeha nga!

Oka puina hangapuaha ghini la ghu ia ghano, heve ta mahainina nia ta ketuhina, e ghua. Oka hangapuaha ghini la ghu e boka mo baini God age vanamuna, ta ghuana.

?Neto ghua la ianimu God ragoso va veveharira ka havoro ira kava sare ta sesehuri, ira ta au lao ma ka ravata iahi nia ke saligari ma tuna fugho ka ia totoi ira ta ghua, heve e deo ge age faa ghu ia nona kopu manei ka ghau? !Ka rekahanara ia va hohoghona ka ghau!

Ia fafata e la meha mo ghatu, ta age podolo ira leghu dike poikaro nga; ira leghu popoika nga, edi age dodoruana ka ira noni haroharo.