Beliebte Verse in John 10

Teilen

Eto pegene embo amo pegene eto tau pehara puvaguja te na puvena amo embo ta vasiri ikano humbuto ve isapamane eto irora puvena.

Na o ‘sheep’ simba ari embo javotoho ra te o ‘sheep’ simba ari embo amo o ‘sheep’ orekasi amita hamo na ombuto taro sari aisuja.

Eto o ‘Sheep’ nau be amina ke nau ingihe na ambo ambo uore nanena enana kiagona.

Eto nau o ‘Sheep’ amo vaine mane pambagora eto embo nei na mane puvuto ingeni nauta egimbeto humbagora te nanena enana ta degi vasiri daroho ikagona.

Te huga pe amo namo avoeto embo na nau degi ta horeto osaga mane kesuja te puvuto pambuto ue samara eto enena javotoho kito indesuja.

Namo avo o ‘sheep’ simba ari embo javotohora te nanena nau jekahoka kiagona eto ungona na kiora.

Eto o ‘Sheep’ amo nau Mama na nau ikarira eto nau Mama amo embo tapa dembari avoeto embo nei na nau Mama ta ingeni ta egimbeto humbari inono aera. Nau Mama te namo te amo vahaira.” Ainge enu.

Ainge dombo nau Mama na na kiaguja eto nanena nau Mama kiagona. Eto nau o ‘sheep’ irora namo avo vasiri te pehasora.

Eto uje nau na nau vasiri toasona amo embo nei na mane egimbeto humbasuja. Eto na sovera humbuto pehasora eto sovera amina au nau vasiri ehako umbasona ari avo ainge ana nau Mama na nau degi ta ke ena,” ke ainge Iesu na enu

Iesu na ke ehako einge ena, “Na ungota degi ke be erena, na o ‘sheep’ ta huga pe ra.

Rate ‘sheep’ simba ari embo eto ‘sheep’ ta mamo mane avoeto isoro o ‘wolf’ na o ‘sheep’ kambasi puvutuhurou kito embo amo o ‘sheep’ toto joru pahurou o ‘sheep’ amo joru sepuriri eto pambasora.

Eto Iesu na ke einge ena, “Na ungota degi ke be erena, pegene embo na amo o ‘sheep’ ta huga peta mane horeuja te huga jaruketo jo ta veaguja