Beliebte Verse in Lucas 18

Teilen

Aín unix ca atsani, abë cana banatisama tani quixun sinanima, nëtë camabi Nucën Papa Diosbë banati ꞌicë quixun ꞌunánmiquin ca bana itsi ñuicësoquin

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca. ꞌËn cana mitsu cain, ca asérabi bënë́nquinshi acama ꞌaquinti ꞌicën. ¿Usa ꞌaínbi carana uni ꞌinux Nucën Papa Diosnuax uá ꞌaish anu cuantancëx, ꞌëx utëcënquin, unicama asérabi ꞌëmi sinani ꞌëmi catamëtia isti ꞌain? Uisai cara ꞌiti ꞌicë quixun cana isti ꞌain.

Cacëxun ca Jesusan cacëxa: —Axbi ië́tisama ꞌicëbi ca Nucën Papa Diosan usa uniribi ië́miti ꞌicën.

Usaquian cacëxunbi ca ꞌitsa nëtën cuashiquin ꞌaquincëma ꞌicën. ꞌItsa nëtën cuashitancëxun ca ësaquin sinánxa, —ꞌëx cana Nucën Papa Diosmi sináncëma ꞌianan unicamaribi sináncëma ꞌain. Usa ꞌixunbi cana ënë casunamëcë xanúan ꞌë ubíoxunma ꞌanun, an ꞌë cacësabi oquin ꞌaxunti ꞌain. Usaquin ꞌacëma ꞌaish cana ꞌëa ubíocëx ꞌaisamaira atsánti ꞌain.

Asérabi cana ꞌën mitsu cain, uix cara tuá xuratsua an a bërúancë unimi catamëcësa usaribiti ꞌëmi catamëcëma ꞌicë ax ca Nucën Papa Diosnan ꞌitima ꞌicën.

Caiabi ca Jesusan cacëxa: —Cuantánun caxunma ca tuá xuracama ꞌënua unun ën. ꞌËmi catamëtia Nucën Papa Diosan ainan ꞌimicë unicamax ca ënë tuá xuracamasaribi ꞌicën.

Cacëxun ca Jesusan cacëxa: —Ca bëpë́quit. ꞌËn mi bëpë́xcuti sinani ꞌëmi catamëti camina bëpë́xcüan.

Ñucácëxun ca Jesusan cacëxa: —¿Uisati caramina ꞌëx isana upí ꞌai quixun ꞌë cain? Uinu ꞌicë uníxbi ca upíma ꞌicën. Nucën Papa Diosaxëshi ca asérabi upí ꞌicën.