Beliebte Verse in लूका 6

Teilen

एमेय रेदो अपे होकू ओवा पेआ, अवुर होड़कू नपो नपो ते सोकोजवते एन्डाः घयतेकू ओवा पेआ। जे नाप तेपे नपोवेआ, हे-ना नाप ते अपे लगड होय नपोवेआ।

बढ़ियाँ होड़ अपन कोठी कया वरी बढ़ियाँः टेबोईय उडूंगा, अवुर खराब होड़ अपन कोठी कया वरी खराब टेबोईय उडूंगा, कहेकि कोठी कया रे भरो कोआ, हेनेना टेबोः हेंय अहा वरी उडूंगुआ।

अपे रेनकू मुदेयकू सुदा हो मया मिलन तेपे दोहोनू, भला काम पे करो, फे-रिय मिड़ागेआ मेनते असरा कोःते उधार अलोपे एमे, नआँ घयतेपे करोवे रेदो बडेः ईनाम ञँमुआ। अवुर अपे सींड़ वरी बडेअय भगवान रेनकू होपोन कुपे होयाआ, कहेकि मेने धन्यावाद वय हेंकू थरे हो अवुर पापी होड़कू थरे हो भगवान राः दया इदाना।

जे घयते अपे रेनिय अपा दयादार गिआ हेन घयते अपे हो दयादार पे बनोऊ।

अलोपे दोस कू, तबे अपे भगवान एरोय दोस तेडपेआ। दोसी अलोपे ठहरोकू, हेंडे अपे हो भगवान दोसी एरोय ठहरो तेडपेआ। एटाःकू पे माफ रेदो, अपे हो भगवान माफ वपेअयू।

“लेकिन इंञ अपे अअँजोमकू थरेंञ कहनी यडा, अपे रेनकू मुदेयकू सुदा मया मिलन तेपे दोहोनू; अपे थरे खुरेस कू सबताआ हेंकू राः भलाई पे करो। कनय हो अपेकू सराप रेदो आसीर्वाद पे ओवाकू, जे अपेकू मेरंग वपेआ, हेंकू लगड पे बिनतिऊ।

जे घयते अपे सुदा बेवहार पे चहोः तना, हेन घयते एटाःकू सुदा होपे बेवहारुऊ।”

कनय हो मियाँ गतर जोहापे रेय चाड़ोवे रेदो, एटाः गतर होपे एनेम चाड़ो वयू, अवुर कनय हो उयूआ तपे कू लुसी रेदो, हेंय अँगा होपे ओवायू। कनय हो अपे थअय असी रेदो, हेंय ओवाय पे, अवुर अपे थआ कनारा चीज होय लुसीय रेदो हेंय वरी अलोपे असियू।

“कनारा बढ़ियाँः दुबी रे खराब मेने जो-आ। अवुर खराब दुबी रे बढ़ियाँः मेने जो-आ।

सींड़ दुबी जोओत ते चिन्हों जोमा। होड़कू जनोम भेंजुड़ वरी अंजीर जोःओ मेने कू गो-डेआ, अवुर ओत बोयीर दुबी वरी हो अंगूर जोःओ मेने कू गो-डेआ।