Beliebte Verse in Yohani 21

Teilen

Mahrek sato cangra a maranam i, sowal sa ci Yis ci Simon Pitiroan, <<Wawa ni Yohani Simonaw, ikaka no nika olah nonini a tamdamdaw i Takowanan ko nika olah iso i Takowanan haw?>> han Ningra. Paca'of sa ci Pitiro, <<Hai, Tapang, mafana' Kiso to nika olah ako i Tisowanan,>> han ningra. Sowal sa ci Yis, <<Pakaenen ko tofor a siri Ako,>> han Ningra. Pasowal haca ci Yis, <<Wawa ni Yohani Simonaw, maolah kiso i Takowanan haw?>> han Ningra. Paca'of sa ci Pitiro, <<Hai, Tapang, mafana' Kiso to nika olah ako i Tisowanan,>> han ningra. Pasowal sa ci Yis, <<Dipoten ko siri Ako,>> han Ningra. Licayen haca ni Yis ci Pitiro to sakinatolo, <<Wawa ni Yohani Simonaw, maolah kiso i Takowanan haw?>> han Ningra. Tona kinatolo a milicay ci Yis to Maolah kiso i Takowanan haw sanay, saka, rarom sato ko faloco' ni Pitiro. Sowal sa ci Yisan, <<Tapangaw, mafana' Kiso to maamaan. Saka, mafana'ay Kiso to nika olah ako i Tisowanan,>> han ningra. Pasowal sa ci Yis, <<Pakaenen ko siri Ako.

So'linen Ako a somowal kiso, yo o kapahho kiso i, kiso ko mifakeday to tatlecan iso a mitoor to niharatengan iso a talacowacowa. Nikawrira, ano mato'asto kiso i, o mamilaya' kiso to kamay. Ta paliten no tao kiso a patayra i caay ko kangalayan iso a katayraan,>> han Ningra. (

Pasowal sa ci Yis i cangraan, <<Tfaden i kawanan no tamina ko salil namo. Ta ira ko maalaay namo,>> han Ningra. Saka, tfad hanto nangra ko salil i, saadihay sa ko foting. Saka, caayto ka filo nangra a mitaroh.

Pasowal ci Simon Pitiro i cangraan, <<Tayra kako a mifoting,>> han ningra. Sowal sa cangra, <<Mihaklong kami i tisowanan,>> han nangra. Saka, lowad sato cangra a midakaw to tamina. Nikawrira, awaay ko maalaay nangra to maan aca toya dadaya.