Beliebte Verse in Yohani 19

Teilen

Tinac sa ci Yis toya 'acicimay a ^pah, ta sowal sa, <<Malahciayto Ako ko dmak!>> saan. Ta tawi'ing sato ko fongoh Ningra, ta lafot sato ko sla' Ningra.

Mafana' ci Yis to nika lahcito no polong no dmak. Saka, sowal sa, <<Maso'aw Kako,>> saan Cingra. Onini i, o sapilahciaw to sowal i Fangcalay Cudad.

Ma'araw ni Yis ko nika tomireng no ina Ningra ato kaolahan Ningra a nisawawaan itira. Saka, pasowalsa to ina Ningra, <<Inaaw, o wawa iso konini,>> han Ningra. Ta pasowal sa Cingra toya nisawawaan, <<O ina iso konini,>> han Ningra. Nanoya, krid hanto noya nisawawaan ko ina ni Yis a tayra i loma' ningra a pakamaro'.

Nikawrira, yo tahirato cangra i ci Yisan i, mahapinangto nangra ko nika patayto Ningra. Saka, caay piteken nangra ko wa'ay Ningra. Nikawrira, cocoken no ccay a sofitay to 'idoc ko fati'ian ni Yis. Powar sa a masadak ko rmes ato nanom. (

Onini a dmak i, o nika lahci no sowal i Fangcalay Cudad toya, <<Caay ko mamapitek ko ccaccay aca a 'okak Ningra,>> sanay. O roma a sowal i Fangcalay Cudad i, <<O mama'araw nangra ko nicocokan nangra a Tamdaw,>> saan.

Sadak sato ci Yis. Mi'orong Cingra to ciwcika Ningra a tayra i <<'Okak no Fongoh>> hananay a taporo, (o <<Kolkota>> hananay no Hipray a sowal konini).

Sa'nged hanto no sofitay ko fadal a pakafong i Cingraan, pariko'en nangra to maloloay a kafafang.