Beliebte Verse in Yohani 16

Teilen

O sakasomowal Ako i tamowanan tonini i, o sakacirihadayaw namo tona malaccay kita. O aira ko pades namo i tini i hkal. Nikawrira, sa'icelen ko faloco', malowidayto Ako ko hkal,>> han Ningra.

Nikawrira, ano taynito ko so'linay a Fangcalay 'Adingo oya pakafana'ay to sowal no Kawas i, Cingra ko mamikrid tamowanan a pasifana' to polong no sowal no Kawas. Caay ko no Ningra a harateng ko dado^doen Ningra a somowal. O nitngilan Ningra a sowal ko sasowalen Ningra. O romasato, o papakafana' Cingra i tamowanan to pakayniay i aira a dmak.

To ha:tiniay i, caayho pakaynien namo i ngangan Ako ko nipilongoc to maamaan. Pilongoc ta malayap namo. Onini i, o sakatadamaan no lipahak namo.

Nikawrira, so'linen Ako a somowal kamo, o sakaci^poc namo ko nipiliyas Ako. Ano caay piliyas Kako i, caay ka tayni i tamowanan koya Padamaay. Ano tayra Kako i, o a ocoren Ako Cingra a patayni i tamowanan. Ano taynito Cingra i, o papahapinangen Ningra ko tamdamdaw to nika moraraw no harateng nangra to pakayniay i raraw ato mo^celay a dmak ato pisawkit no Kawas.

Talacowa mahaenay ko nika roray namo i matini, nikawrira, o mamasaso'araw haca kita. Ta o lalipahak ko faloco' namo itiya. Awaayto ko mamipalasawad toya lipahak namo. <<Itiya toya romi'ad i, caayto ko Kako ko pilongocan namo. So'linen Ako a somowal kamo, ano o maamaan to ko nilongocan namo ci Wamaan pakayni i ngangan Ako i, caay ka ^ca paflien Ningra kamo.

So'linen Ako a somowal kamo, o tatomangic kamo a mararom. Nikawrira, o lalipahak ko no hkalan a tamdaw. Talacowa o mamararom kamo, nikawrira, o mamalalipahak koya rarom namo.