Beliebte Verse in Johan 15

Teilen

A khubebo-u zo, nieko we puocoko zo. Kehoupuorei a nou ba mu a puo nou bakezhamia u si vü philieya; kekreilamonyü a sa mo di nieko mhapuorei chülie kenjü zo.

A nou balie, a rei nieko nou bakezha tuoi. Puocoe puobo-u gei ba kemosie puosi vülieya kemo tuoi, nieko rei a nou ba kemosie nie si vülie kenjü.

Nieko a nou ba mu a dieko nie nou ba ro mha nie neiko chaliecie, siro süko chüpie nie tsütuo.

Nieko a kedalie mo, derei a thuo nie kedalie. Nieko bu vo nie si vülie mu nie si süu bu ba seilieketuo la a nieko pethoshü, mu nieko mhakehoupuorei a za nunu Puou ki cha ro puo süu chüshü nie tsütuo.

Mia puoe puo khriethoko la puo phou khakeshü hahaki kekhrie kezha jü.

A geinu kepar puoco kehoupuorei puosi vülieya kemo-u puo süu sawaya, mu puoco kehoupuorei puosi vülieyakezhau puo süu bu puosi vü kralieketuo la meza kemesashüya.

“A nie ki diekhakeshü sü, a nieko khrie kevor tuoi nieko bu huoniehuo khrienucüu zo.

Nieko si vü phikelie geinu a Puou zayie chülietuo mu sügeinu nieko ae pethakeliemia chülietuo.

“A khubebo ketho-u, mu a Puoe liecieu zo.

Kehoupuorei a nou ba kemo-u puoco tuoi kelhouwaya, sidi kitaya; siro mia süko rhe kengulie di kelhoupie mi nu thewaya.

A mha hako pie nieko ki pukeshü a keneiu bu nieko nou balieketuo la, mu nie keneiu bu tseilieketuo la zo.

A a Puoe diekhakeshüko chülie di Puo kekhrie nu bakelie tuoi a diekhakeshüko nieko chüya ro nie rei a kekhrie nu balietuo.

Nieko bu huoniehuo khrielieketuo la a die hako khashü ho.

Nieko kijüu vie üro, kijüu nie üse puo vie üdi nie khrietuo. Sirei nie kijü hau vie mo zo, derei a kijü hau nunu nieko kedaliete, süla kijüu nieko ngumecüya.