Beliebte Verse in Lucas 22

Teilen

Wla htshina hanjihohnereta: — Nuru! Palujinipa putneprikkajinno twu copa salewaktshi yehi. Seyni hi hitako nalujyawaka pkamhanu halikaka.

Seyni nanjihohneyehityi palixle hma mahaxyawakanupa. Pehchinikanuxinpatka pmixkowkakahchinikanutanna xako Hita tshinanu pmoletanune.

Waneya pão hkochtsheka. Waneya hpoyahnutlu Hoyakalu. Hjiknajrotlu pão waneya rasruklene reneklu. Waneya wla htshina: — Xyeni hatatjewa nomane. Hixa tshinanu renekka. Xye pixkalutu hkamhajetanu hita hichinijikolupa.

Waneyatnaka rali niklexinixkana waneko pixka rixa, copa stono hkochtsheka, waneya wla htshina: — Twu copa stonha nunkakletleru, waleni herotu nohraha piranni. Xye nohraha hixa tshinanu hiyokkalurupa.

Jesus salewnahchinikanuta tsru potuko hiyáhoni hmixkowa hanjihohnereta wane pnute. Ruhkokha hrahtshi pixka rixa. Rutspihle tshiji rapoka.

Seyni hixa hi wan-hixanu. Seyni hijhakalur-potni mujhakot-potu hikahwajikatshriwa. Hiyrun-koxa tsru towutatshri hijhalu towrertshi pixka rixyawaka.

Waneya Jesus wan-tshinru: — Halikaka wane ntshinyi, Pedro. Xye yetshno hma yanumatkanuklunuwa patlapa hepi kata, pixa map-kata pweyawatanu. Pma mimatletanutu ptshinanno.