Beliebte Verse in Atos 2

Teilen

Waneya Pedro wan-tshinna: — Hehchinikanutanu hixa satkakhi Jesus Cristo hiwakaya h-batiza-xikowakapa hixa himtukjetatshrikaka hiknojikowakapa; wan-hixatshripa Hoyakalu Hiwejikaluru hyoptotanu Hoyakalu henekanhi.

Hiyrun-koxa nuretkalune hasruklewle romkahitna. Hapatjeru romkahitna hiyrunu rapatjetna hnijyawakna hiyrun-koxa hanjihohneru hi ruchotna.

Waneya wanna ptowruneka, katsepoyatka Hoyakalu Hiwejikaluru. Waneya hyinuwaka yanumlexyaluna pa nru pejnu, hyanumanruxinine nru pejnu Hoyakalu Hiwejikaluru yanumkakatkana wannanruya.

Waneya waneklukawa potuko, hjemluna sejirtshi tenhohne hichpajikatshri, tsru kanniphalu pixka rixa hajpoleta htsepotlu htuplakanaxyawaknapji psoluka. Waneya satkaka ruphujewnayehita tshitshmero katmerolkaka pixkalutu. Satkaka wanna tseptahi rapokmerotatka. Waneya wanna ptowruneka, katsepoyatka Hoyakalu Hiwejikaluru. Waneya hyinuwaka yanumlexyaluna pa nru pejnu, hyanumanruxinine nru pejnu Hoyakalu Hiwejikaluru yanumkakatkana wannanruya.

Ptowru hohneruka Hoyakalupji rapatjexyana pa hchinikanurunni. Pimrinkaka papji pejnu nijya. Pa nikkalunni himuwatatshinni pixkakaklune hkahwajnawana. Rimalwutluna Hoyakalu. Rumutkana ptowru neruneka. Wane pchinika Hoyakalu hixoletna pa hohnekaka wanna Cristo halixatshine hapatjetatshine pimrineyma hiwekkakkalunepa.

“Hoyakalu wan-tshina: Hmahaxinri hohne Hita henekanna hitanuko Hiwejikaluru ptowru neruka. Hixa whenene jejine suxon-koxa hinkakletanru hinamtatshriwa. Tsrutsolejine hipnawatanu. Maklujine hetanru hetkalurkaka.

Cristo halixatshine ptowruneka himwakaka. Ptowruko rejnunkatna ptowruneko himwalu. Ruchankaluna rejnunkatna rimwalerna. Hkotspalkajyana ptowruneka satkaka hmahaxinrina.

Waneya katukta hanjitanru Tsru Hixikatshriwa hepixyawaklu riwekkakko.”

Rutshpokanu tkatshi. Jraplu ksuru, hma mapokkanuko pchini Hoyakalu Tsru Hixikatshriwa hohneru hijhakaluru hiyrunu hoyaknutshi.