Beliebte Verse in मत्ती 28

Teilen

येक कारण तुम जा, सब जातिन का लोगून शिष्य बना; और उनून पिता, और पुत्र, और पवित्र आत्मा का नाम ले बपतिस्मा दीया, और उनून सब बात जो मैंल तुमून सिखा राख्यान उनूनले मानून सिखा, और देखा मैं संसार का अन्त तक हमेशा तुमार दगाड़ छूँ।”

लेकिन यीशु ले उनार पास आभेरन क्योछ, “स्वर्ग और धरती को पुरो अधिकार मैंस दी ग्योछ।

स्वर्गदूत ले उन स्यैनि थैं क्योछ, “जन डरा, मैं जाणछु कि तुम यीशुस जैस सूली में चढ़ाईना को छ्यो, ऊस खोजून मरछा। उ या नाहातिन, लेकिन उक कईना का अनुसार उ ज्यून है ग्योछ। आ, उ जाग स देखा जा प्रभु स राखिना को छ्यो

तब यीशु ले उनूनथैं क्योछ, “जन डरा; म्यारा शिष्यून थैं जाभेरन को गलील प्रदेश खिन हिटा, वाँई मैंस देखला।”

तब प्रधान याजक यहूदी अगुवान का पास ग्यान, और उनूनले आपस में योजना बनाछ। उनूनले सिपाईन भौत चाँदी दीभेरन क्योछ, “तुम सब लोगूनथै इसो कया, जब हम रात में पैड़ रै छ्या, उक शिष्य आभेरन उक लाश स चोरी ली ग्यान। और अगर यो बात राज्यपाल पिलातुसा का कानून तक पुजी ले जालि, त हम ऊस समझा द्यूला और तुमून के बात की फिकर करना की जरूरत नाहातिन हम तुमून बचा ल्यूला।” तब सिपाईन ले रूपाया लीभेरन ऊसो क्योछ जसो उनून सिखाईना को छ्यो। यो बात आज तक यहूदीन में प्रचलित छै।