Beliebte Verse in ሉቃ̈ሳ 17

Teilen

ኢናፖ̇ ኢ ና̈ሳ̈ኮ “ዪዚ ዲንዳ̇ር ሉካ̇ቤ ኔ ኣማ̇ኒን ኔ̈ና ፋኔ” ጌይዴ።

ኢ ፔቲ̇ ጋላስ ሙታ̇ ታብዛ ቶህ ኔ ጋልዳ ኢ̈ት ኦ ታብዛ ቶህ ኔ̈ክ ዬ̈ሪ ‘ቴ ኔ̈ብ ኢ̈ት ኦ̈ኔ ታ ባላ’ ጌዬጌይንዶ ኢ̈ብ ኣቶ̇ ጋ̈ቤ” ጌይዴ።

ኢንታ̇ ጋርታ̇ፖ ፔታ̇ና̈ዲ ፌ ዓርጊን ጋርታ̇ፖ̇ ፋጺኖን ቤቃ̇ሪ ፌ ቆ̈ ሾክ ዎታር ጾ̈ሳ̇̇ ጋላቲሙታ̇ ዬሱ̈ሳክ ማ̈ቃ̇ሪ፥ ኢ ቶሂን ጋልዳ ኬዳ̇ር ኢያ ጋላቲዴ። ዪ ና̈ሳ̈ዲ ሳማ̈ራ ጋዶ̇ ኣሴ።

ዪዚ ዪንቲ̇ ኦ̈ናካር ማ̈ቂ̇ን ናጋራ ጋርታ̇ ጌላምፔ̇̈ን ዎታካ̇ይፌ̈ኒ ናጊንቲ̇ብቴ̇። “ኔ ላጋ̇ ኔ̈ብ ኢ̈ት ኦ̈ጌይን፥ ኢ ኢ̈ት ኦ̈ኖን ኢ̈ብ ሶ̈ላቤ። ኢ ‘ታ ባላ’ ጌዬጌይን፥ ኢ̈ብ ኣቶ̇ ጋ̈ቤ።

ዬሱ̈ሲ ኢያ ኦይጪ̇ርዶሪ “ፋጺኖን ታጳ̇ ኣስ ባያ? ዓት ዪ̈ዶኮ ሳካሊ ኣሳን ዎይዲ ኣቴ̇? ጋ̈ር ኦይጪ̇ዴ።

ኢያር ኢንታ̇ኮ “ዪንታ̇ቦ ጊላ̇ ማይጽ ኣ̈ፍፌ̈ኖ ኣማ̇ና ዎኮ፥ ዪንቲ̇ ኣማ̇ናባራ ዓና̇ ኤን ‘ሚዲንታ̇ር ባሃ̈ራ ጋርታ̇ ኬዳ̇ቤ’ ጌዬጌይን ኬዳ̇̈ሬ” ጌይዴ።

ኦ̈ናካር ሳ̈ዝ ጋልዳ̇ ፌ ሼምፒ̇ምቦ ቆይቲ̇ዝ ኣሲ ፌ ሼምፒ̇ን ይሲ̈ሬ፥ ፌ ሼምፒ̇ምቦ̇ ቆይታካ̇ይ ቴ ዎሂን ዬ̇ዝ ኣሲ ፌ ሼምፒ̇ን ፋ̈ሬ።

ዬሱ̈ሲ ፌ ታማ̈ራንኮ “ኣሳብ ፊ ማ̈ቃ̇ር ናጋራ ኦ̈ምፔ̇̈ን ዎቲዝ ባዚ ዬንት ኣቲ̇ባ̈ስዶኒ ዪኒ̇ ፌ̈ኖ ፊን ዬ̈ምፔ̇̈ን ዎቲዝ ና̈ሳ ኢ ባዚ ኣዬ̇። ዪ ና̈ሳ̈ዲ ዪን ጊላ̇ን ጋርታ̇ፖ̇ ፔታ̇ና ናጋራ ኦ̈ምፔ̈ን ዎታናፖ̇ ጴች ዎጽ ሹች ኢ ጋኒ̇ን ጋል ቃቻ̇ር ባሃ̈ራ ጋርታ̇ ኢያ ሚሺ̈ርኮ ኢ̈ብ ኮሼ̇።

“ኖ̈ሂ ዎ ላይን ጋርታ̇ ማ̈ቂ̇ኖንዲፌ̈ን ዎይ ቴ ኣሳ ናኣ ዬ̈ዝ ላይን ጋርታ̇ ዪኒ̇ፌ̈ን ማ̈ቃ̇̈ሬ። ኖ̈ሂ ጎጚን ጋርታ̇ ጌሊዝ ጋላሲ̇ን ዬሊ̇ዝ ዲራ̈ስ ኣሳን ሙዪ ኡሽኪ̇ ዎልዎል ኤኪ̇ ዪዝ ዎታዚምባ̇ራ ይሲ̇ዝ ዋ̈ ዬ̈ሪ ኢንታ̇ ዎይ ይሲ̇ዴ።