Beliebte Verse in matta 6

Teilen

lhwat zwar s‑tgldit n‑rbbi ula s‑ma‑t‑irḍan s‑awn‑izuyd kullu tiġawsiwin‑an yaḍni.

a‑ur‑ttasim taġuft i‑uzkka, ašku azkka iẓḍar i‑taġuft‑ns. tqadda‑tmmara n‑ġassad bla‑di‑tzuydm tin‑uzkka.

«rad‑awn‑iniġ, a‑ur‑tasim taġuft i‑tudrt‑nnun f‑ma‑ra‑tššm ula ma‑ra‑tsum, ula i‑ddat‑nnun f‑ma‑rad‑as‑tlsm. is‑ur‑tuf tudrt amššu? is‑ur‑tuf ddat timlsit?

imma kiyi ġakud nna‑trit a‑tẓẓallt, kšm s‑tḥanut‑nnk tqqnt tiflut tẓẓallt i‑babak lli‑intln, ra‑k‑ibark babak lli‑iẓrran ma‑intln.

«imma kunni tẓallayat ġmkad: ‹wa‑babatnnġ lli‑illan ġ‑ignna, a‑yili luqr i‑ism‑nnk, tašk‑id‑tgldit‑nnk, yili ma‑k‑irḍan ġ‑ddunit ġmklli illa ġ‑ignna.

fk‑aġ‑d ġassad aġrum i‑wass‑ad

tṣamḥt‑aġ f‑lh̬ʷšant lli‑nskr, ġmklli nṣamḥ i‑willi ginnġ skrnin ma‑yʷh̬šnn.

ssanf‑aġ i‑ma‑rad‑aġ‑ijllu, tjjnjmt‑aġ zġ‑iblis.›

«iġ‑a‑ttṣamaḥm i‑mddn f‑ddnub lli‑gigun‑skarn, rad‑awn‑iṣamḥ babatun n‑ignna.

ẓrat igḍaḍ n‑ignwan, ur‑a‑kkrzn ula‑da‑mggrn ula‑da‑ssmunun ṣṣabt ġ‑iḥuna, walaynni babatun n‑ignna ar‑asn‑yakka amššu lli‑ḥtajjan. imma kunni is‑ur‑dars‑tɛzzam uggʷar n‑igḍaḍ?

«a‑ur‑tssmunum ayda ġ‑ddunit‑ad illiġ ra‑ti‑tšš‑twukka tġwi‑t tanigt ġzn‑in srs imh̬h̬arn a‑t‑akʷrn. walaynni ssmunwat‑n ayda ġ‑ignna illiġ ur‑ra‑ti‑tšš‑twukka ula tġwi‑t tanigt ula ġzan srs imh̬h̬arn a‑t‑akʷrn. ašku innaġ illa‑wayda‑nnk a‑ġ‑ra‑yili‑uwl‑nnk.

«ur‑ra‑yiẓḍar yan a‑iqasa sin id‑sidis. imma ra‑ikrhu yan yiri wayyaḍ, nġd ra‑ituqqar yan iḥgr wayyaḍ. ur‑ra‑tiẓḍarm a‑tgm ismgan n‑rbbi d‑win‑wayda.

ar‑isslsa rbbi tuga n‑tagant lli‑itmġayn ġassad ttyawgar‑n azkka ġ‑takat. is‑ur‑ra‑kʷn‑issls ula kunni s‑uggʷar? is‑ur‑tuminm s‑rbbi?

imma kiyi ġakud nna‑ra‑tfkt i‑imẓlaḍ, a‑ur‑yissan‑ufus‑nnk aẓlmaḍ ma‑iskr‑ufasi. akka ġ‑tntla, tili‑ak lbaraka dar babak lli‑itmnadn kullu ma‑intln.

«rarat lɛaql a‑ur‑ttirim a‑tskarm ifulkitn‑nnun ġ‑lgddam n‑mddn baš a‑kʷn‑ẓrn. ašku iġ‑a‑tskarm ġmkan ur‑rad‑awn‑tili kra l‑lbaraka dar babatun lli‑illan ġ‑ignna.

«iġ‑a‑ttaẓumm a‑ur‑tskarm zund ayt‑sin‑uwdmawn lli‑kkrsnin ignzi‑nsn baš ad‑ssbayynn i‑mddn is‑aẓumn. lḥqq a‑rad‑awn‑iniġ, mayan ka‑rad‑asn‑yili. imma kiyi ġakud nna‑ttaẓumt sird udm‑nnk tsrft azzar‑nnk a‑ur‑yissan yan is‑taẓumt abla babak lli‑intln. ra‑k‑ibark babak lli‑itmnadn kullu ma‑intln.