Beliebte Verse in Yuhana 12

Teilen

Na aka sàs a wura aà megiŋ meslire ka, say ma zezem iye. Ŋgat ka, a ti ndze a i təv ana i ti ndze aɗəm a ya. Aɗaba wur ana a giŋ a meslire ya ka, Tsir gà a ti zlibe a à ŋgat mbaŋa.»

Wur ana aka waya ɗa mesife ŋgar ika gər ahəɗ aaha ya ka, aka miɗ mba ka, a dzeye a dər ivaɗ. Ama wur ana aka ge kəra i gər a mesife ŋgar a ka, wura a zle a ihər a tsa, a ne a biy ŋgar aà biybiy.

Iye ihər i gweɗe a kurum a nda ndzer, pàrsa iɗəm tsa: Na tàa tike hwife daw ilik a biye tsəka, a ndze a kataya, à sìkèh a tsa. Ama na tàa slige ka, a sliliŋa. Say wur ŋa ata a gwinekiŋa, dite naha a ge a ba, a ge a wur hinne.

I dara aka gər ahəɗ a ka, aà məpàtà à dzaydzay ŋa a mburma, dite ka, gà mburma ana tàa gəs iye nda gəzləŋ tar a ka, tə ndza i luvuŋ asa tsa.

Na wura aka tsaraka bazlam gà ana i tsik a ya, aka gəs tsəka, iye tsa na a ge ahər a seriye ya. Aɗaba i dara ka, aà məmbə̀là à mburma ya, tsəka, aà mege aà tar seriye tsa.

I fataya ka, Mariya a zla wirdè ana a ze hwaŋŋà lele, tsakala ŋa hinne, à sìkim a ba tsiye. Wirdè ata ka, zlile dukuməŋa a riŋ tə zalar *nardin, tsìsl maràhà ŋa i kwalaba. A daha, a dzaya aka sik Yesuw. I dəba ŋa ya, a tàpàɗ ihər nda ambəz ŋgar a. Ga ata ka, hwaŋŋà a rah nda meze wirdè ata fit.

Tə daha, tə sasara gà ahər dizl ɗaf duwa kamala tə̀ɓàh a, tə da dər aà vatwa aà melime dər nda gà ŋgat. I təv ana ti ndze aà vatwa, ti de a dər a ka, ta wideye nda ndzəɗa hinne, ta gwa: «Zlə̀bakwa à Mbulum. Mbulum BATSAH kwa ŋa mi pise ahəm a wele ana a slərra ya. Mbulum mi pise ahəm a Batsah Əbay gà Isərayel.»*fa*

Yesuw a gwaɗa a tar aaka: «Məpàslà ahər ŋa aka sle kuɗa. I huɗ mendze zaakwa ya ka, i ŋget a mezlibe ana tì zlibe a à iye, iye, wur ana i dara i təv Mbulum a ya.